كشف الإعلامي إبراهيم فايق، عن مصير البلجيكي يانيك فيريرا، المدير الفني للزمالك مع الفريق، وذلك بعد التعادل أمام غزل المحلة في الدوري.
وقال فايق، خلال تصريحات تليفزيونية ببرنامج “الكورة مع فايق”، عبر. قناة” mbc مصر 2″: ” تعادل الزمالك أمام غزل المحلة، مخيب للامال و صادم للغاية، مبعرفش افصل مايحدث خارج الملعب بداخله، واوعاك تراهن ان اللعيبه ماخدوش فلوسهم وهم رجاله “.
وتابع:” مقدرش أفصل اللي بيحصل في الزمالك جوه الملعب واللي بيحصل بره الملعب، اللاعيبة 4 شهور مبياخدوش فلوسهم وكمان القديمة وده له انعكاس بنسبة 100% “.
و أردف فايق:” الزمالك بدأ الدوري وهو بيعمل فرقه جديده، ولما شيكابالا قال كويس ان الزمالك ياخد مركز ثاني الناس هاجت عليه رغم انه واقعي”.
وشدد: “الاداء مش احسن حاجه وفي حاجه فاترة
والزمالك دخل مرحله الشك كله بيشك في كله”.
وأشار فايق :” المعلومات اللي عندي يانيك فيريرا مكمل مع الزمالك”.
وأختتم:” الجمهور عليه ان يختار هل هيدعم المدير الفني و التجربة، ولا يطالب برحيل فيريرا بس يدعم التجربة”.
