كشف الإعلامي أحمد شوبير عن حقيقة الأنباء التي تم تداولها مؤخرًا حول دخول النادي الأهلي في مفاوضات مع مهاجم بيراميدز فيستون مايلي، مؤكدًا استغرابه من حجم الأرقام التي تم الحديث عنها في وسائل الإعلام، والتي وصفها بأنها غير منطقية وبعيدة تمامًا عن الواقع.
وقال شوبير في تصريحات عبر برنامجه الإذاعي صباح اليوم الاثنين: “انا برده الحقيقه بستغرب جدا بيطلع بعض الكلام يقول لك اصل الاهلي بيفاوض فيستون مايلي او ابراهيم مايلي مهاجم بيراميدز، وانه وصل معاه ل 3 مليون دولار في السنه، وإن اللاعب رفض ويريد 4 مليون”.
وتابع: “يعني هل ده هل ده كلام يا جماعه ممكن الواحد يصدقه؟! يعني 3 مليون دولار اضرب في حوالي 50 يعني حوالي 150 مليون جنيه في السنه وبعدين هو عايز 4 مليون دولار يبقى 200 مليون جنيه في السنه، يبقى لو عمل 3 سنين يبقى 600 مليون جنيه”.
واختتم: “في كلام لازم يكون يعني شويه بس احنا نعرف نعرف نستوعبه او نعرف يعني ايه نهضمه يعني انا مش عارف الامر صعب شوية”.
