كشف محمد سلامة رئيس الاتحاد السكندري،كواليس مثيرة وراء رفض فريق السلة خوض مباراة نهائي المرتبط أمام الأهلي.
ونشبت مشادة بين لاعبي الفريقين وانتقلت إلى هتافات من الجماهير في المدرجات، مما تسبب في تأجيل انطلاق مباراة الكبار والتي كان من المقرر لها في الثامنة مساء.
ليقرر اتحاد كرة السلة إخلاء الصالة ولعب المباراة بدون جماهير.
وقال سلامة،خلال تصريحات تليفزيونية عبر قناة “أون سبورت “:” فريق الاتحاد السكندري روح خلاص، أنا خدتهم اعيشهم “.
وتابع:” النهارده مباراة المرتبط وحصل مناوشات بعد المباراة، في لاعب عمل مشكله من الاتحاد وده هيتم عقابه أشد العقوبات “.
وأضاف سلامة:” حصل مناوشات بين الجمهور وبعضه وحصل كلام على خروج اللاعبين من الملعب”
وأشار: “” فضلنا قاعدين يقولك شويه هنطلع جماهير الأهلي.. لا الاتحاد الأول.. لا الأسرة الأول والوقت طول “.
واردف سلامة:” عيبه الاتحاد قالتلي احنا متغدين من الساعه 2 والساعه بقت 10 ولسه مفيش قرار والماتش كده علشان التسخين ويبدأ فيها الساعه 12 بالليل وده صعب جدا “.
وواصل:” اتكلمت مع مسؤولين الأهلي إنه الوقت أتأخر ونأجل المباراة لبكره والكلام كان لقى استحسان وقبول، حصل اجتماعات ولعيبه الأهلي قالت لأ هنلعب والموضوع كان صعب عندنا فقررت عدم لعب المباراة “.
وأختتم:” الأزمة مش فينا، وهل معقول مش قادر يلعب مباراة فيها 600 شخص مش قادر يأمن ملعب فيه 600 واحد”.
