وجه هشام نصر، نائب رئيس الزمالك، رسالة هامة لجماهير النادي بشأن مايحدث في الفارس الأبيض.
وقال نصر، خلال مداخلة هاتفية ببرنامج ستاد المحور: “نفسي الجماهير تفهم وتعرف اننا بنبني كل القطاعات من اول وجديد والظروف صعبه”.
وأكمل:” اه عندنا اخطاء وغلطنا نتيجه الضغوط، لكن بنحاول نبني ونصلح، وانك تكسب بطل افريقيا مرتين هل دي حاجه سهله؟، انك رغم كل الازمات والمشاكل بتكسب ده امر سهل”.
وشدد نصر: ” الزمالك بضعفه ومشاكله موجود في المنافسة وبنهز اي فريق”.
وواصل: ” هو مفيش غير لاعبي الزمالك بتكلموا على تجديد عقودهم، وحسام عبد المجيد عقده لسه فيه سنه ونصف، وهو ابننا ومستقبلنا و نحافظ عليه وعلى محمد السيد وفقا الامكانيات المتاحه لنا”.
وأشار نصر: “بنحاول بطريقه معينه نسجل حسن قداح، وهنقدم كل اوراقنا لاتحاد اليد لو قوبل بالرفض هنوضح اسبابنا وهيقيد في يناير، ورغم محاولات استقدامه من انديه اخري حسن قداح اختار الزمالك”
وأختتم: “والنبي سيبونا نشتغل شويه، اه بنغلط لكن بسبب الضغوط، وربنا يعينا نرجع الزمالك لاسمه الكبير”.
