كشف محمود عبدالرازق شيكابالا نجم الزمالك السابق، كواليس حواره مع ناصر ماهر لاعب الفارس الأبيض، بعد غيابه عن قائمة منتخب مصر، استعدادا لدورة الإمارات الودية.
وأعلن حسام حسن، قائمة منتخب مصر لمعسكر شهر نوفمبر، والذي ينطلق خلال الفترة بين 10 إلى 18 في دولة الإمارات، ولم تشهد تواجد ناصر ماهر.
وقال شيكابالا، خلال تصريحات تليفزيونية عبر قناة “mbc مصر 2”: “أنا كلمت ناصر ماهر، و قولتله ركز على نفسك ومتشغلش بالك”.
وتابع:” قولتله ربنا كرمك وركز في الماتش عندنا ماتش ببطولة نكسب ونحتفل وخلي الناس هي اللي تقول”.
وكان ناصر ماهر قد كتب عبر ستوري على حسابه الشخصي بموقع التواصل الإجتماعي إنستجرام: “أنا آسف إني بنزل الكلام ده، لأنه مش طبعي خالص، بس بصراحة الوضع محبط جدًا بالنسبة لي بسبب قائمة منتخب مصر”.
وأضاف:” بكل صدق، أنا شايف إني أستحق أكون متواجد على الأقل ضمن المنتخب، خصوصًا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتى الناس العاديه بيتكلموا كويس جدًا عن أدائي في الفترة الأخيرة، بصراحة، اللي حصل ظلم ظلم كبير جدًا، وده مالوش علاقة بالكورة”.
واختتم ماهر: “المجهود اللي بذلته كله يروح كده على الفاضي، وأحلامي تضيع بكل سهولة كده حاجة عادية، رغم إني عملت كل اللي المفروض أعمله. بجد حرام. اللي بيحصل ده يحبط أي جيل”.
