انفجر الإعلامي مهيب عبد الهادي على الهواء غضبًا بعد إعلان الاتحاد الدولي لكرة القدم “فيفا” عقوبة إيقاف القيد لنادي الزمالك.
وقال مهيب عبد الهادي في تصريحات عبر برنامج “اللعيب”، على قناة “mbc masr”: “خير اللهم اجعله خير، من شوية موقع الاتحاد الدولي نزل على السايت، كل يوم اثنين بينزل على السايت بتاعه الأندية اللي موقوفة، والأندية اللي حلت القضايا بتاعتها”.
وتابع: “فاجئنا إن في 12 قضية على الأندية المصرية. منهم ثلاثة على نادي الزمالك بإيقاف قيد.. فخير اللهم اجعله خير عاد مرة أخرى إيقاف القيد في نادي الزمالك”.
وأضاف: “لك الله يا نادي الزمالك. والله العظيم ثلاثة مالكش غير ربنا يا نادي الزمالك.. قيد ثاني ثلاثة ثاني رجع ثاني وسع وسع وسع وسع القيد وصل مرة أخرى”.
وشدد: “مين بقى يستحمل الكلام ده؟ قيد ثاني! إيقاف ثاني! يعني مش هتجيب حامد حمدان؟ مش هتجيبوا لاعيبة ثاني؟ الشكل بقى وحش”.
وأوضح: “يعني شكل إيقاف القيد ده حاجة سيئة جدًا، أنا عمري ما شفت إيقاف قيد للنادي الأهلي، ما شفتش، ويا رب ما أشوف، ما شفتش إيقاف قيد لـ لبيراميدز، ما شفتش، ويا رب ما أشوف. لكن العجب كله تشوفه في نادي الزمالك.. يعني العجب كله”.
واستكمل: “الأستاذ عامر العمايرة باعت لي ثلاث قضايا لنادي الزمالك، والإسماعيلي أربع قضايا، وإيسترن كومباني ثلاث قضايا، طب نروح فين بقى ونيجي منين بقى؟ قيد ثاني ثلاث قضايا يعني أنا عايز أعرف ثلاث قضايا في إيه؟”.
وأشار: “موقع الفيفا مش محدد. هم ثلاث قضايا، أكيد هتلاقي مثلًا مش لاك هتلاقي جومي، هتلاقي إيه ثاني؟ الله أعلم هتلاقي إيه ثاني، جروس حاجات قديمة بقى”.
واستمر: “يا جماعة ما ينفعش. والله بجد الموضوع بقى دمه ثقيل، ما دمه ثقيل الموضوع ما تشوفوا حل بقى. بجد والله، إذا كان في نية إن الأرض ترجع يعني يبقى الإجراءات أسرع عشان نادي الزمالك يفوق شوية”.
وأردف: “نادي الزمالك كل ما ما يفوق كده ويشوف نفسه شوية بتلاقي الضربة ما تعرفش جاية منين، ما تعرفش جاية من مدير فني ولا جاية من قيد ولا جاية من لاعيبة ولا جاية من إيه؟ ده بالنسبة لنادي الزمالك”.
واختتم: “نادي الزمالك هقول إيه بقى؟ هقول مدير فني هيجي؟ وحاطين ميزانية 90 و100 ألف دولار في في الأسبوع، عم عمرو الدرديري بس يقول لي 3 مليون في السنة و9 مليون في ثلاث سنين. طب بتقارن إيه بإيه؟”.
