أحمد عبد الحليم عن الراحل محمد صبري: أنا أول شخص اكتشفه وكان لاعب اسطورة و زملكاوي جدا
أكد أحمد عبدالحليم، نجم الزمالك السابق، أنه أول من اختار محمد صبري للانضمام للقلعة البيضاء خلال الاختبارات.
وقال عبدالحليم في تصريحات لبرنامج “زملكاوي” المذاع على قناة نادي الزمالك: ” إنا لله وانا اليه راجعون البقاء لله وحده وربنا يرحم صبري ويصبر اهله”.
وتابع:” أنا أول واحد اكتشف صبري لما كان عنده 14 سنه وجاي الزمالك وكان موهبه كبيرة ”
وأشار عبد الحليم:” زملكاويته شديدة وكان غيور جدا على الزمالك أكثر من لعيبه كتيرة لبست قميص الزمالك”
وأضاف:” شاركت في وجود محمد صبري داخل الزمالك، وعلاقتي بيه كانت قوية جداً، وكنت باعتباره زي ابني من ولادي، صبري كان راجل محترم وخلوق لأقصى درجة، وده شيء عمره ما اتغيّر فيه”.
وأختتم:” كان شخص خدوم بكل معنى الكلمة، ولاعب أسطورة في الكورة، وسبّب لي سعادة كبيرة طول عمري إني اخترته ينضم للزمالك، ربنا يرحمه ويغفر له وكل الناس حزينه عليه النهارده”.
