اجتماع سرّي داخل الزمالك.. خطوات غامضة لحسم مستقبل اللاعب “المجمّد” قبل فوات الأوان! فيديو

عاد ملف تجديد عقد اللاعب محمد السيد ليتصدر الأحداث داخل نادي الزمالك، وسط محاولات مكثفة من الإدارة لإنهاء الأزمة العالقة وحسم مصير اللاعب خلال الفترة المقبلة، وذلك وفق ما كشفه الإعلامي أحمد شوبير خلال برنامجه الإذاعي.

وقال شوبير في تصريحاته عبر برنامجه الإذاعي صباح اليوم الخميس: “الزمالك راجعين يقعدوا تاني مع محمد السيد، اللاعب ووكيله، ومعاهم جون إدوارد المدير الرياضي، وعبدالرحمن إسماعيل مدير التعاقدات… عايزين يوصلوا لحل نهائي للملف ده. الزمالك عايز يعرف الولد هيكمل ولا لأ.”

وتابع: “اللي اتقال إن الزمالك عرض على اللاعب 25 مليون جنيه في 5 مواسم، لكن محمد السيد طلب مقدم أو منحة توقيع بسبب الظروف المالية. طيب ماشي… بس فين الميزة إنك تجمّد لاعب؟ لا بتلعبه ولا بتسيبه!”

وأضاف شوبير: “يا إما اللاعب كويس ويستاهل زيادة أو منحة… يا إما مش قد نادي الزمالك وخلاص. ولو مقتنعين إنه لاعب مهم، ادّوله فرصة يلعب بدل التجميد اللي ملوش معنى. خصوصًا إن سقف التعاقدات بدأ يقل في معظم الأندية، ومش من السهل يلاقي رقم زي ده في مكان تاني.”

واستكمل قائلاً: “موضوع إن الجمهور هتف ضده… ده حصل مع لاعيبة كتير وكملوا، زي تريزيجيه وحسين الشحات وغيرهم. لو اللاعب كويس وسيبقى مفيد ليك، يبقى لازم ياخد فرصته.”

واختتم: “التجميد ده فكر مش احترافي خالص، حتى لو بيحصل في بعض الأندية الأوروبية. وجون إدوارد راجل احترافي، فأتمنى إنهم ينهوا القصة دي بسرعة ويحسموا المشكلة.”