بعد خسارة السوبر.. حازم إمام يفتح النار على لاعب الزمالك وصفقات الفريق ويدافع عن أحمد عبدالرؤوف
فتح حازم إمام، نجم الزمالك السابق، النار على الأنجولي شيكو بانزا، لاعب الأبيض، بعد خسارة بطولة السوبر المصري امام الأهلي، ودافع عن المدير الفني أحمد عبدالرؤوف.
وقال إمام، خلال تصريحات تليفزيونية عبر قناة “أون سبورت:” شيكو بانزا ده لاعب مهمل مهمل، كذا كرة كان ممكن يتصرف فيها أفضل من كده في اللقاء”.
وإضاف:” أنا بصراحه أقولك على حاجه اللاعب الوحيد اللي جيه في كل الصفقات دي هو خوان بيزيرا ”
وشدد إمام:” الناس كلها الباقيه مش عايز اسمي يعنى علشان محدش يزعل مني، مفيش حاجه خالص ولم يضيفوا أي شئ للزمالك ”
وتابع:” الزمالك لعب 12 مباراة في الدوري والسوبر، مفيش لاعب أضاف اي شئ.. مفيش حد بصراحه، لعيبة عادية جدا، مفروض إنك بتجيب لعيبه إضافة للفريق على الموجودين.. مفيش غير بيزيرا اللي عمل إضافة “.
وواصل إمام:” أنا معرفشي الزمالك معاه فلوس ولا لأ.. لكن كل اللعيبه اللي جت دي مشيها معادا بيزيرا وادعم في يناير بثلاث أو أربع لعيبه تصنع الفارق”.
وأردف: “رحيل كل الصفقات؟ اديني اسم منهم عمل حاجه خلال الفترة اللي فاتت أو صفقه مربحه، كلهم لعبوا يمكن مردود الناشئين يكون افضل منهم”.
وأختتم:” شيكو بانزا ده انا مش عارف بجد ده واحد مش منظم في شغله مش عايز اتكلم واقول اسامي علشان محدش يقول بهاجم، بس أحمد عبدالرؤوف النهارده بيلعب في ظروف صعبه جدا”.
