علق الإعلامي عمرو أديب، على خسارة الفريق الأول لكرة القدم بنادي الزمالك، لقب السوبر المصري أمام نظيره الأهلي.
وخسر الفريق الأول لكرة القدم بنادي الزمالك أمام نظيره الأهلي، بهدفين دون رد، في المباراة التي جمعت بين الفريقين مساء اليوم الأحد، في نهائي بطولة السوبر المصري.
وقال أديب،خلال تصريحات تليفزيونية ببرنامج “الحكاية”،عبر قناة” mbc مصر”: بقدم التهنئة للأهلي بعد الفوز بالسوبر المصري، وبقول لأخواتي في الزمالك معلش ما هو أنت مبتلاعبش حد عادي “.
و أضاف:” في خلل في ميزان القوة في كرة القدم المصرية، احنا بنلاعب فريق مبيشتريش غير مهاجمين قدام فريق مش عارف يدفع رواتب اللاعبين”.
و أردف أديب: ” عايزين نعمل ندوة ونعرف ليه الأهلي عنده كل حاجة؟ عنده فلوس وعنده أراضي واستادات “.
وأشار:” عايز تقولي إن في عدالة؟ لأ، ده مش ماتش عادل ولا كورة عادلة في خلل في المنظومة “.
وواصل اديب” الأهلي شاطر والخطيب شاطر وياسين منصور شاطر بيعرفوا يجيبوا فلوس ورعاية من السماء، ده احنا بنقول عايزين حته أرض، نادي بس واحد في مصر بياخد كل الأراضي ايه الفكرة مش فاهم”.
وشدد: “في لاعيبة الزمالك معرفش مين دول وفي بتاع 10-12 لاعب في الاهلي اقعد اتكلم كام يوم على اي لاعب فيهم، وهفضل اسأل سؤال هنفضل لحد امتى نغزل برجل حمار”.
و أختتم: “هو في نادي في العالم ياخد كل البطولات؟ ويكسب كل الماتشات؟، أنا بحذر مش هيبقى في منافسة بعد كده، اوعى يا أهلاوي تفتكر إنك كنت عظيم انهاردة الزمالك هو اللي غلبان، أنت كأهلي عملت ايه؟، اسألوا كده أي ناقد رياضي الأهلي لعب حلو ولا وحش”.
