علق أحمد عبد الرؤوف،المدير الفني للفريق الأول لكرة القدم بنادي الزمالك،على الفوز أمام زيسكو الزامبي،في إفتتاح دور المجموعات من بطولة كأس الكونفدرالية الإفريقية.
وقال عبد الرؤوف في المؤتمر الصحفي عقب المباراة: “أعزي في البداية وفاة صبري وأشكر الجماهير على اللافتات الخاصة بتأبينه”.
وتابع:” الزمالك استحوذ في الشوط الأول وحدث بعض التقصير في إنهاء الهجمات، في الشوط الثاني لم أكن راضيا عن الأداء، ولكن في ظل الظروف الفنية الحالية وافتقاد عدد من العناصر أثر على الأداء بجانب عودة الدوليين منذ يومين”.
وشدد عبد الرؤوف:” إحنا ضيعنا أهداف كتيره وكنا مستحوذين ولكن مقدرناش نسجل تاني”.
وعن سبب تغيير محمود جهاد أشار:” شارك بعد فتره شهور طويله وكان لازم احافظ عليه وخوفت من فتح مساحات زيسكو فطلعته، جهاد كان غايب سبع شهور ملعبش ونزل في مباراة حصل فيها مساحات كتيرة، ممكن بدنياً الأمور متخدموش فليه اخسره فكان لازم يحصل تغيير زي ما حصل مع أحمد شريف “.
وواصل عبد الرؤوف:” إشراك شيكو بانزا؟ على فكره هو الفارق بينه وبين باقي اللاعبين في الانضمام إلى التدريبات يومين لكل الناس اللي جايه دولياً، وكان لازم ندعم اللاعب اللي اخوه توفى وبعتلنا شهادة وفاته وظروف خارجه عنه “.
وأكمل:” أنا علاقتي بكل اللاعبين كويسه جدا، وحتى لو حصل حاجه سواء في قائمة في تشكيل في تبديل، بتكلم مع اللعيبه “.
واردف عبد الرؤوف:” سبب استبعاد سيف فاروق جعفر رغم اشراكة أمام الأهلي؟ سيف لعيب كبير وانا اتكلمت معاه وهي وجهات نظر وفي الاخر أنت بتشوف كل اللعيبه ومش هتعرف ترضى كل الناس، سيف لو موجود هتلاقي ناس معترضه ولو مش موجود هتلاقي ناس معترضه “.
وردا على سؤال إزاي هتعوض غياب دونجا؟ اجاب:” لسه مش عارف موقفه ايه ولسه هنشوف باقي اصابات اللعيبه وهيحصل ايه وهنشوف فريق كايزر تشيفز “.
وأكمل:” ايا كان ومع لجمهور الزمالك، في ناس مش هتبقى راضية عن حاجات كتيرة ولكن الظروف صعبه واهم حاجه ناخد الثلاث نقاط وفي حاجات كتيره أنا مش راضي عنها”.
واختتم: “أحمد فتوح لم يكن له بديل في مباراة اليوم وعملت على معالجة الضغط الهجومي من الناحية اليسرى، واستبعاد محمد السيد؟ بسبب عدم التجديد لنادي الزمالك مش قرار فني”.
