تحدث الإعلامي مهيب عبد الهادي خلال برنامج اللعيب المذاع عبر قناة MBC مصر عن الجدل التحكيمي الذي أُثير عقب مباراة الأهلي وسيراميكا كليوباترا الأخيرة في الدوري المصري الممتاز، والتي شهدت مطالبة فريق سيراميكا بركلة جزاء مثيرة للجدل لم تُحتسب من جانب الحكم محمود البنا.
وقال مهيب: “مباراة الأهلي وسيراميكا حصل فيها أحداث كبيرة، والأهلاوية قالوا إنها مش ضربة جزاء، والزملكاوية قالوا العكس تمامًا إنها ضربة جزاء واضحة، وكان في جدل كبير حوالين اللقطة دي.”
ورد عليه إكرامي خلال نفس البرنامج قائلًا: “أنا سمعت إن الحكم محمود البنا قال بعد المباراة إن في تسلل قبل اللعبة، وعلشان كده ما اتحسبتش ضربة جزاء. بصراحة مش متأكد إذا كان الكلام ده صح ولا غلط، لكن هو اللي اتقال.”
وأضاف إكرامي: “الغريب إن الفار ما رجعش يشوف اللعبة رغم الجدل الكبير اللي حصل في الملعب وخارج الملعب، وده شيء غريب جدًا. كان لازم الحكم يشوف الكورة بنفسه مرة واتنين وتلاتة قبل ما ياخد القرار النهائي، لكن الواضح إنه كان شايف حاجة إحنا مش شايفينها.”
