علق حازم إمام، نجم الزمالك السابق، على خسارة الأبيض بطولة السوبر المصري أمام الغريم التقليدي الأهلي، وطالب برحيل كل صفقات الفريق وبقاء البرازيلي خوان بيزيرا فقط.
وقال حازم إمام فى تصريحات للاستوديو التحليلى في قناة “أون سبورت”: “الزمالك اللى معندوش غير بيزيرا اللى بنص رجل عمل إضافة والشوط التانى مفيش شيكوبانزا ومكانش فيه خطورة، ومش عارف ليه طلع عبدالله السعيد، وكمان عمر ناصر لم يكن له أي دور في الشوط الأول”.
وتابع:” أنا معرفشي الزمالك فيه فلوس ولا لأ، بس رأيي لازم تمشي كل اللعيبه دي اللي جت وتسيب خوان بيزيرا بس وتدعم عليه 3 أو 4 لعيبه في يناير “.
ورد عليه الإعلامي سيف زاهر متسائلا:” معقول كل اللعيبه؟”.
ليجيب إمام:” انت شايف فيهم حد ظهر ولا عمل حاجه بقالنا 14 مباراة، هاتلي اسم واحد أو صفقة مربحه”.
وأختتم: “شيكو بانزا لاعب مهمل جدا ،مش ممكن اللي بيعمله ده مع الزمالك ، كان يقدر يلعب جماعي ويخلي الزمالك 1-0.. لا شيكو بانزا لاعب صعب خالص مش عارف اقول ايه”.
