ناشد حسين لبيب، رئيس الزمالك ونائبه هشام نصر، سيادة الرئيس عبدالفتاح السبسي، من أجل عودة ارض النادي، بالسادس من أكتوبر.
وقال لبيب خلال مداخلة هاتفية ببرنامج الحكاية، عبر قناة”mbc مصر”:” لظروف مرضي مقدرتش اطلع واتكلم ولكن بإذن الله هطلع واتكلم قريب، بضم صوتي لصوت هشام نصر بتدخل فخامة رئيس الجمهورية في حل مشكله ارض اكتوبر”.
وتابع:” أتمنى حل المشكلة دي لان الموضوع صعب جدا، الزمالك من أكبر الأندية في مصر .. إحنا حاولنا بكل الطرق لحل الأزمة”.
وأشار لبيب:” لكن إحنا بنستأذن فخامة رئيس الجمهورية بحل الأزمة وتدخله في أرض اكتوبر زي ما حل مشكلات كبيرة وعديدة وبناشد فخامته “.
وأكمل:” احنا مقدرين أن النادي ملك للدولة وان اي قرار احنا تحت امر الدولة، لكن بناشد فخامة الرئيس يبص لينا ويبقى في حل للموضوع ده، إحنا طلبنا أن النيابه تحقق معانا لان كل اوراقنا سليمة ولا نقدر نتدخل في أي شئ قانوني وواثقين إن خطواتنا كلها صحيحة وسليمة”.
ومن جانبه أضاف هشام نصر: “مناشده لفخامة الرئيس هو حل مشاكل كبيرة جدا، في 30 او 40 مليون زملكاوي مستنين مساعدة حضرتك، ارجوك لو مفيش شئ قانوني ادخل وسمعة الارض اتضرت، احنا محتاجين الارض، وارض جديده لما الاهلي حصل مشاكله الزملكاويه وقفوا معه علشان الرياضه هل المتعه يبقى عندك نادي واحد”.
وأشار:” اخبار الانديه الجماهيريه ايه؟، هل يعجب الاسماعيليه ان الاسماعيلي بيدورا على حد يشتريه، الاندية بدات تعتمد على اشخاص وهذا خطر”.
وأختتم: “انت اكثر من 20 سنه تناحر وخلافات ان الاوان المختلف وزعلان متضايق، هدنه علشان النادي يقوم تاني الناس اللي بره عاوزين يثبتوا اننا غلط الهدف اكبر من كده الهدف الزمالك”.
