كشف الإعلامي خالد الغندور، عن تصرف ممدوح عباس، رئيس، الزمالك الاسبق، مع اولاد وبنات الراحل محمد صبري نجم الفارس الأبيض السابق.
وقال الغندور، خلال تصريحات تليفزيونية عبر المحور: “أنا عايز اشكر الاستاذ ممدوح عباس، لاني عارف هو هيساعد وهيساهم بشئ محترم لكل أولاد كابتن محمد صبري بودائع في البنك لتأمين مستقبلهم سواء البنات او الاولاد”.
واضاف موجها حديثه لبنات محمد صبري دينا ورولا:” أنا بشكركم جدا يمكن أنا عارف أنكم مش عايزين تظهروا لكن ده حق صبري عليا إني اعرف الناس أن صبري ليه بنات زي ما ليه أولاد ربنا يبارك فيهم “.
وأكمل الغندور:” رولا نفسها تبقى إعلامية أتمنى أن يبقى ليها فرصه في قناة نادي الزمالك أو راديو الزمالك أو حد بيسمعنا.
وشدد: “أنا كمان بسعى مع إدارة قناة المحور خلال الفترة الجايه بإذن الله ويكون ليها فرصه”.
وأكمل الغندور:” دينا مهندسة ديكور أتمنى يكون فيها فرصه عمل محترمه في شركة من اي رجل أعمال بيسمعنا تأمن بيها نفسها وهي مخطوبة وعلى وش زواج “.
واختتم:” بشكر كل الناس اللي اهتمت وهتساعد وكل الناس اللي وقفت جنب أولاد صبري”.
