قال عبد الواحد السيد، مدير الكرة بنادي الزمالك، خلال ظهوره في برنامج “اللعيب” مع الإعلامي مهيب عبد الهادي عبر قناة “MBC مصر”، إنه لا يرى أي مشكلة في الصورة التي انتشرت خلال أزمة الفريق في الإمارات الموسم الماضي، موضحًا أن الموقف بالنسبة له كان دليلًا على تحمله المسؤولية تجاه لاعبي فريقه.
وأكد عبد الواحد السيد أنه يعتبر الأمر فخرًا شخصيًا له، قائلًا:”أنا شايفها فخر إن أنا دخلت مكان لاعب وحميت اللعيبة بتاعتي، ومش فارق معايا خالص موضوع الصورة أو إنها تنزل، بالعكس الحمد لله على كل حاجة”.
وأضاف:”الواحد أوقات لما بيتحط في أزمة، الدنيا بتفوقه، وبتخليه يراجع نفسه، فالأزمات ساعات بتبقى خير وتقويك”.
وفي رده على سؤال مهيب عبد الهادي حول حقيقة دخوله مكان أحد اللاعبين، قال عبد الواحد السيد:”آه، دخلت مكان لاعب فعلاً، بس بدون تفاصيل، أنا مكنتش في الموضوع من الأساس، ومفيش أي مشكلة في اللي حصل”.
واختتم حديثه قائلاً:”أنا دايمًا عايش في الصحراء في جنوب سينا، يعني موضوع إنك تقعد أسبوعين أو تلاتة في الجبل ده بالنسبالي ولا يفرق، متعود على الصعب”.
