وجه حسام حسن، المدير الفني لمنتخب مصر، رسالة نارية ل منتقديه و السوشيال ميديا بسبب الانتقادات التي وجهت له بسبب أداء الفراعنة.
وقال حسن، في تصريحات صحفية: “مرتبي اقل من مدرب في سيراميكا ولا البنك الاهلي ولا المصري، مرتبهم اكتر من مدرب المنتخب”.
وأضاف:” كان عندكم اسمه مدرب ميكالي مدرب ناشئين كان بياخد اضعاف اضعاف اضعاف مدرب منتخب مصر، محدش سمع صوتي، مكنش ينفع ياخد اكتر مني، لكن علشان انا مصري، و متكلمتش علشان بلدي”.
وشدد حسن:” كنت بموت نفسي انا وابراهيم علشانكم وعلشان الناس تفرح، وانا اكتر واحد لعب لمنتخب مصر لسن 40 سنة، وعارف قيمة المنتخب،و الجمهور وعارف ان الشعب بيفرح بالمنتخب”.
وتابع:” انا جاهز وياما دقت على الراس طبول، وفاتح صدري اللي عاوز يضرب بالرصاص انا جاهز، يا بتوع السوشيال ميديا عاوزين تجيبوا مدرب اجنبي علشان ياخد قوت الشعب المصري دولارات ”
واشار حسن: “بس احنا وصلنا كاس العالم بس مين وصلكم؟، المدرب الوطني، انا مستعد للنقد لكن تقول مدرب معندوش فكره، عيب يا اخي الناس، بتكبر بعض”.
واختتم:” مدرب المنتخب المغربي الناس بتكبره، وعنده لعيبه في كل العالم، احنا معندناش غير 2 محترفين صلاح وعمر، او 2 محترفين وربع، علشان منضحكش على بعض،لان مصطفى محمد ماشي سطر وسطر، ولو خد الفرصه هيكسر الدنيا
واللي بنلاعبهم كلهم محترفين، فوقوا”.
