أشاد وليد صلاح الدين مدير الكرة في الأهلي،بالتحكيم المصري، وخاصة بمحمود البنا حكم مباراة الأحمر أمام سيراميكا كليوباترا،بنصف نهائي السوبر المصري.
وقال صلاح الدين خلال مداخلة هاتفية ببرنامج “ملعب أون” عبر قناة “أون سبورت”:” التحكيم في السوبر المصري؟والله كان هايل”.
وتابع:” الكابتن محمود البنا أنا شايف إن مستر أوسكار قال إن كل قراراته صحيحة بنسبة 100%، حكم كبير والراجل كان هادي جدًا في الملعب”.
وشدد صلاح الدين:” في مسطرة واحدة على الفريقين، يعني بيسيب الالتحامات هنا وهنا، وإذا حسب حاجة هنا يحسبها هنا”.
واضاف:” فكرة ضربة الجزاء اللي فيها كورتين ورا بعض، قدام سيراميكا كليوباترا أظن إن الحكام كلهم حكموها وحللوها، وقالوا إن سواء الكرة من رجل محمد علي بن رمضان غيرت في اتجاهها أو ما غيرتش اتجاهها، في الآخر، يد ياسين مش هي اللي رايحة للكرة، والكرة مساحتها قريبة جدًا، فلما تضرب طريق لمحمد علي بن رمضان طبيعي جدًا متتحسبش”.
وأشار مدير الكرة بالأهلي: “وفي نفس الوقت، بتاعه كان من رجله ليده، في الآخر كله قانون”.
وواصل:” والناس اللي بتقول ليه مرجعش للفار، هو قانون، فالفار أكد قراره، مش محتاجة تتشاف، لأن في القانون الكرة لو قريبة ومساحتها مساحة اليد طبيعيه، وفي نفس الوقت جاية من رجل لليد، فبالتالي مبتتحسبش”.
وأختتم:” وجت حالات كتير، أكدنا عليها سواء من رجل، من رجل لليد، من دماغ لليد، يعني هي متكررة، فبالتالي كابتن البنا متهيألي إنه ياخد رقم كبير، يعني ياخد حاجة بتاع 9 من 10″.
