تناول الإعلامي أحمد شوبير في حديثه الإذاعي مستجدات منتخب مصر الثاني، مسلطًا الضوء على الجهد الكبير الذي يبذله المدير الفني حلمي طولان رغم الظروف الصعبة التي يواجهها، سواء على مستوى اختيارات اللاعبين أو الارتباطات المتداخلة للأندية. وأكد شوبير أن طولان يقدم عملًا فنيًا مميزًا رغم الضغوط، مشيرًا إلى أن ما يحيط بالمنتخب من لغط وتصريحات متضاربة يزيد من حجم التحديات أمام الجهاز الفني.
وجاءت تصريحات شوبير حول وضع المنتخب وأداء حلمي طولان كالتالي: “الحقيقه هكون واضح جدا انا من من المحبين لكابتن حلمي طولان ومن المعجبين بالكابتن حلمي طولان ومن الناس اللي بيقدروا كابتن حلمي طولان جدا، ربنا يكون في عونه لانه بيختار لاعيبه فلاعيبه ثانيه تمشي، لاعيبه الانديه بتحصل تضارب في المواعيد فالدنيا ما بتمشيش ما بتظبطش، لكنه بيجيب لعيبه ثانيين، هو ساكت وصامت وهادي وعارف انه في تجربه مؤقته، فلا يدخل في صدامات.”
وأضاف: “مع إن كابتن حلمي صريح وبيحاول يشتغل بقدر الامكان عنده مهمه عايز ينجزها، لكنه من حاول الكابتن حلمي طولان هي مشكله الكابتن حلمي يا عيني في من حاوله، كلام كتير ورغي كتير وأخطاء كتيره جدا في الأحاديث والتصريحات ودوشه مالهاش لازمة، فانا ارجوه يعني إن هو كابتن حلمي يا ريت حضرتك انت اللي تتكلم وانت اللي تقول عشان الدنيا تمشي بشكل كويس.”
وتابع: “عمل ماتشات كويسه قوي، تعادل مع الجزائر، كسبها، كسب تونس في مباراتين، كسب البحرين، خسر مره من المغرب، لكنه في الاطار العام لعيبه كتير طارت منه من القوام اللي كان مختاره، لاعيبة بيراميدز ولاعيبه من أندية تانية واتصابات، لكن الشكل العام إن الكابتن حلمي عامل شغل فني محترم على أعلى مستوى.”
وختم شوبير: “ربنا يا رب يوفقه، والفتره اللي جايه تكون احسن، لانه حلمي طولان من الشخصيات اللي انا دايما بحبها وبقدرها.”
