أشاد الإعلامي أحمد شوبير بقرار الجهاز الفني لمنتخب مصر، بقيادة التوأم حسام وإبراهيم حسن، باستبعاد أي لاعب يخرج عن النص أو لا يلتزم بالتعليمات والقواعد داخل المنتخب، مؤكدًا أن المرحلة الحالية تتطلب انضباطًا كاملًا من جميع العناصر.
وجاءت تصريحات شوبير بعد حالة الاستياء التي عبّر عنها ناصر ماهر، لاعب الزمالك، بسبب عدم ضمه لقائمة المنتخب الأخيرة، وهو ما اعتبره شوبير تأكيدًا على أن الالتزام والسلوك داخل وخارج الملعب هما المعياران الأساسيان لاختيار اللاعبين.
وقال شوبير في برنامجه الإذاعي صباح اليوم: “بصراحة، إبراهيم حسن قال كلمتين حلوين قوي امبارح، وعجبني جدًا كلامه. التوأم بقالهم تلات شهور ساكتين وبيشتغلوا في هدوء، لا بيهاجموا حد ولا بيردّوا على حد، كل تركيزهم في الشغل الصح، وده اللي مخلي شغلهم ماشي كويس جدًا.”
وأضاف: “محمد عبد المنعم، ومصطفى فتحي، وعمرو الجزار لسه بعيدين عن المنتخب بسبب الإصابة، وده طبيعي. إنما اللي مش هيحترم نفسه أو يخرج عن النص مش هيبقى ليه مكان. حسام وإبراهيم واضحين جدًا في النقطة دي، ومفيش مجاملة لأي حد.”
وتابع شوبير: “أنا كلمت ناصر ماهر وقلت له: إنت لاعب كويس، ومستواك الفترة الأخيرة اتحسن، بس لازم تشد حيلك أكتر عشان تفرض نفسك على الناس. محدش بياخد مكان في المنتخب بالكلام، كله بالشغل والتعب. شوف مثلًا أحمد الشناوي، اشتغل وسكت، والنتيجة إنه رجع بقوة.”
واختتم تصريحاته قائلًا: “اللي عجبني كمان كلام إبراهيم حسن لما قال إن حسام ما عندوش مشكلة مع أي لاعب، وإن اللي هيكون الأفضل هو اللي هيدخل المنتخب. دي عقلية محترمة، ومصلحة المنتخب هي اللي فوق الكل.”
