تحدث الإعلامي أحمد شوبير عن ما تردد خلال الساعات الماضية بشأن وقوع مشادات داخل غرفة ملابس النادي الأهلي عقب المباراة الأخيرة، مؤكدًا أن كل ما تم تداوله غير صحيح.
وقال شوبير في تصريحاته عبر برنامجه الإذاعي صباح اليوم الثلاثاء: “اللي اتقال إن الكابتن سيد عبد الحفيظ نزل أوضة اللبس وكان في حالة غضب، الكلام ده محصلش، نعم محصلش خالص. ولا حصل أي اتفاق بين الكابتن وليد على تجميد مستحقات ولا أي حاجة من دي على الإطلاق.”
وأضاف: “وناس كمان بيقولوا إن حصلت مشكلة ما بين كابتن وليد صلاح وكابتن محمد الشناوي، وبرضه بقولك من مصدر مسؤول داخل النادي إن الكلام ده محصلش خالص نهائيًا، لا خلاف ولا حكاية.”
وتابع: “بتبقى أحيانًا بعد الماتش حاجات بسيطة كده، مين يحيّي مين، مين يتكلم مع مين، حاجات عادية جدًا. لكن أنا بقولك الكلام اللي وصلني من جوه النادي، وعلى لسان كابتن وليد صلاح، مدير الكرة في الأهلي، إن الأمور مستقرة.”
واختتم: “بس آه، في حالة غضب وضيق شديد جدًا بعد المباراة، الكل متضايق وزعلان، لكن شايفين إن الأمور إن شاء الله هتتظبط في الفترة الجاية.”
