كشف الإعلامي أحمد شوبير عن آخر المستجدات في ملف المدافع الذي يقترب من الانضمام للنادي الأهلي خلال فترة الانتقالات المقبلة، موضحًا أسماء اللاعبين المطروحين داخل الجهاز الفني وجهاز الكرة، وطبيعة التحفظات المرتبطة بملف أشرف داري وإصابته المتكررة.
قال شوبير في تصريحاته الإذاعية صباح اليوم الاثنين: “بالنسبة للمدافعين… مين الأسماء اللي بتتردد؟ شوفوا، داخل الجهاز الفني وجهاز الكورة في النادي الأهلي عندهم قناعة رهيبة جدًا بأشرف داري، بس بيقولّك: مين يضمن لنا إنه مايتصابش تاني؟ ما فيش حد… صح؟ فبالتالي هم مقلقين.”
وتابع قائلًا: “لو سمعتوا كلام على عمر فايد… صدّقوا. ولو سمعتوا كلام على محمود الجزار… صدّقوا. أنا بتكلم جد والله. لو اتقال اسميْن دول… يبقى الكلام مظبوط.”
وأضاف: “بس هيشوفوا الأول موقف أشرف داري عامل إزاي… هل الدكاترة هيقولوا إن حالته بقت كويسة ولا الدنيا عاملة إزاي؟ لأنه ده اللي هيحدد الاتجاه.”
وأردف: “أه… في كلام على عمر فايد، وفي كلام على محمود الجزار. لسه ما بدأوش مفاوضات رسمية، بس أنتم عارفين طبيعة الأهلي… بيبدأ يجسّ النبض الأول ويشوف القصة رايحة على فين.”
