يواصل الفريق الأول لكرة القدم بالنادي الأهلي استعداداته القوية في دولة الإمارات قبل مواجهة الزمالك في بطولة السوبر المصري المقرر إقامتها يوم السادس من نوفمبر المقبل، وسط اهتمام كبير من الجهاز الفني بالحالة البدنية والطبية لعدد من اللاعبين العائدين من الإصابة.
وقال شوبير في تصريحاته عبر برنامجه الإذاعي صباح اليوم الثلاثاء: “الأهلي، كما قيل من قبل، اصطحب كل لاعيبته للإمارات استعدادًا لكأس السوبر المصري، بما فيهم أشرف داري، وحسين الشحات، وإمام عاشور”.
وتابع: “إمام عاشور، واللي اتبسطت له الحقيقة، امبارح إن أنا شفت إمام حالته الصحية جيدة، طب كده كويس هيلعب؟ يا سيدي مش هيلعب، الراجل محتاج لسه عشان يلعب، ده راجل قاعد 45 يوم في البيت، اتمرن أربع تمرينات بالتمام والكمال في الجيم، ما فيش أكتر من كده، لكن الحمد لله بصحة تمام وخضع للبروتوكول الخاص بالعلاج وحالته جيدة”.
وأضاف: “أشرف داري كل ما يجي يدخل وخلاص يبقى تمام التمام والناس تحس إنه قرب، بيتصاب تاني، يعني مش عايز أقولك إن إصابته اتجددت، لكنه لسه يعني حالة الإصابة بعد ما الدكاترة كانوا متوقعين إنه مثلاً يدخل في خلال أسبوع، قالوا رجعوا تاني، قالوا لا أسبوعين، رجعوا قالوا كمان أسبوع، فالأمر غريب جدًا بالنسبة لأشرف داري”.
وأشار: “على فكرة، الراجل ييس توروب شايف إن مستواه جيد بس مش عارف يستفيد منه، حسين الشحات طبعًا مزق دمّه تثقيل وبالتالي هيغيب، أحمد رضا الحمد لله سليم بنسبة 100%”.
واختتم: “محمد شريف، وده من مصدر مسؤول داخل النادي الأهلي، قال لي قول على لسان الشخصي إن محمد شريف بقى كويس، نعم قال لي محمد شريف بقى كويس، زي ما بقولكم العلاج اتغير، يعني قصص العلاج والجلسات والحاجات بقت بتعمل تقدم في الطب، لكن هو اللي اتقال لي كده: محمد شريف جاهز لبطولة السوبر المصري، ده اتقال تمام وخلاص، حبينا نقول زي ما اتقال لي من المصدر”.
