شوبير يُفجر مفاجأة من العيار الثقيل بشأن مفاوضات الأهلي مع لاعبه.. وبديله هدف الزمالك! فيديو
أعاد الإعلامي أحمد شوبير فتح ملف تجديد عقد لاعب وسط الأهلي أليو ديانج، كاشفًا عن تفاصيل جديدة تتعلق بموقف النادي واللاعب خلال الفترة المقبلة، خصوصًا في ظل وجود عروض خارجية قوية قد تدفع اللاعب للتفكير في الرحيل، بينما تحاول إدارة الأهلي حسم الأمر سريعًا دون إطالة.
قال شوبير عبر برنامجه الغذاعي: “أنا قلت لكم إن الأهلي مستني أليو ديانج لما يرجع من السفر عشان يتكلم معاه، وقلت كمان إن ديانج عنده عروض خارجية، وأهمها عرض مهم جدًا من السعودية، وأنا قلت الكلام ده بوضوح.”
وتابع قائلًا: “الأهلي عايز يجدد لِديانج، بس مش هيسيب الموضوع يطوّل. أول ما يرجع من السفر، الكابتن وليد صلاح — بتكليف من مجلس الإدارة — هيقعد معاه ويقولّه: إحنا عايزينك، وده عرضنا… إنت عايز تكمل ولا لأ؟”
وأضاف: “لو عايز يكمل، أهلا وسهلا، ونقعد نتكلم في الشروط وكل حاجة. ولو مش عايز، يقول من دلوقتي… خصوصًا إنه عنده عرض موجود فعلًا في الوقت الحالي، والكلام ده حقيقي.”
وأردف: “لو هو عايز يستنى لآخر السنة وفي عرض الأهلي ممكن يستفيد منه، برضه القرار ليه. ولو قرر يمشي دلوقتي، خلاص… هو يستفيد والأهلي يستفيد. ولو عايز يكمل، إحنا مرحبين جدًا، وهو بقى لاعب أساسي ولا غنى عنه في الفريق.”
واستطرد شوبير: “بناءً على اللي هيحصل مع ديانج، هيتحدد موقف حامد حمدان. لأن لو ديانج مشي، الأهلي هيفقد لاعب مهم جدًا في نص الملعب، ولسه لازم يعوّضه. ومحمد حمدان لاعب كويس، وكان بيلعب في الأهلي قبل كده… ودي طبيعة الكورة.”
واختتم قائلًا: “أنا بنقل معلومات، مش كلام وخلاص. والأهلي متمسك بديانج، إلا لو اللاعب نفسه ليه رأي تاني.”
