كشف الإعلامي أحمد شوبير عن تطورات جديدة تخص مستقبل اللاعب حمدي فتحي، والاقتراب المحتمل من انتقاله إلى نادي بيراميدز، وذلك خلال حديثه في برنامجه الإذاعي صباح اليوم.
وقال شوبير في تصريحاته عبر برنامجه الإذاعي: “المعلومات اللي وصلتلي إن بيراميدز بقى قريب جدًا من ضم حمدي فتحي. أنا كنت سألت قبل كده عن موضوع حمدي فتحي، وسألت في الأهلي تحديدًا… وبعد كأس العالم للأندية، أسهم اللاعب مع النادي الأهلي انخفضت شوية. وناس في بيراميدز كانوا حاطين عينهم عليه من فترة طويلة، وقالوا إن حمدي فتحي ضمن حساباتهم”.
وتابع شوبير: “المصادر اللي جوه بيراميدز أكدت إن كل التفاصيل المالية والراتب تم الاتفاق عليها بالكامل”.
وأضاف: “المتبقي دلوقتي هو مرحلة التفاوض الأخيرة مع نادي الوكرة، لأن اللاعب عقده ممتد لحد 2027. لكن الموضوع مش هيبقى صعب قوي، خصوصًا إن العقد دخل في فترته الأخيرة، ومن الممكن جدًا إن الوكرة يوافق على بيعه للاستفادة قبل نهاية عقده… ودي طبيعة كرة القدم”.
