شيكابالا يرد على إتهامه بتحريض الجمهور ضد جون إدوارد.. “ومش كل مشكله يقولوا شيكا انا اعتزلت”- فيديو
أكد محمود عبد الرازق شيكابالا،نجم الزمالك السابق على دعمه لـ جون إدوارد المدير الرياضي للنادي، وتمنى نجاح التجربة
وقال شيكابالا في تصريحات تليفزيونية ببرنامج “الكورة مع فايق” عبر قناة “mbc مصر 2″: أتمنى تجربة جون إدوارد مع نادي الزمالك تنجح، وتجربة المشروع الرياضي تنجح، وأنا عايز مصلحة الزمالك”.
وتابع :” كلمت ممدوح عباس في التليفون قولتله أنا خدت قرار إن أنا مش هقدر أكمل وهعتزل، قالي لا مش هينفع قولتله لا خلاص”.
وشدد شيكابالا:” محمد العاصي اتصل بيا وكلمني عن موضوع جون إدوارد قولتله أنا كده كده هعتزل خلاص”.
واضاف:” مع احترامي لأي حد لو عايز أكمل كنت كملت ومحدش هيقولي اعتزال بالعافية، ولما قولت فيريرا يمشي عشان كان لازم يمشي وفي الآخر مشي فعلا”.
وواصل شيكابالا:” أنا بنور حاجات لـ جون إدوارد عشان عايز التجربة في الزمالك تنجح”.
وأردف: “عيب يتقال إن جمهور الزمالك فيه حد بيحركه، ده الحاجة الوحيدة الثابتة في النادي، أي مشكلة بتحصل في الزمالك بيقولوا ده شيكا، لا شيكا بطل كورة خلاص”.
وأختتم:” جمهور الزمالك مفيش حد بيعرف يمشيه، ولا إدارة ولا لاعب ولا أي حد، أنا عايز مصلحة النادي، لما بتكلم ببقى عايز أشوف الزمالك أفضل حاجة، وإن الأمور تكون مستقرة”.
شاهد:
