شيكابالا يفجّرها: “اللي أبوه فقير مش بيقدر يلعب، لكن اللي أهله معاهم فلوس هما اللي ولادهم بيلعبوا”!
فتح محمود عبد الرازق شيكابالا، قائد نادي الزمالك السابق، النار على منظومة كرة القدم المصرية، متحدثًا عن أسباب تراجع مستوى المواهب في السنوات الأخيرة، وما وصفه بـ”غياب العدالة” داخل قطاعات الناشئين بالأندية.
وقال شيكابالا، خلال لقائه مع الإعلامي معتز الدمرداش، إن الموهبة في الكرة المصرية تراجعت بشدة في الفترة الأخيرة، موضحًا: “الكرة في مصر بقت مقلوبة.. الولد اللي أبوه فقير مش بيقدر يلعب، لكن اللي أهله معاهم فلوس هما اللي ولادهم بيلعبوا. دلوقتي الناس مش بتختار بالموهبة، بتختار على حسب أنت هتدفع كام”.
وأشار نجم الزمالك السابق إلى أن هذا الوضع انعكس على قطاع الناشئين في الأندية الكبرى، مؤكدًا أن فرقًا مثل الأهلي والزمالك نادرًا ما تشهد لاعبين صاعدين يشاركون بانتظام في المباريات. “لو بصينا على الأهلي والزمالك هنلاقي بالكاد 3 ناشئين بيلعبوا، والأمر نفسه في باقي الفرق الكبيرة”.
وأوضح شيكابالا أن السبب يعود إلى غياب أسلوب الانتقاء القديم، الذي كان يعتمد على الكفاءة والموهبة فقط، قائلًا: “زمان الأندية كانت بتعمل اختبارات حقيقية وتدور على المواهب في كل المحافظات، حتى من الصعيد والريف، وبتديهم فرصة حقيقية. لكن دلوقتي اللعبة بقت للّي معاه فلوس”.
وفي ختام حديثه، تطرّق شيكابالا إلى كواليس قراره بالاعتزال، قائلًا: “قرار الاعتزال كان صعب جدًا لكني شايف إنه الوقت المناسب. محدش أجبرني عليه، ومع احترامي لأي حد، مفيش في الزمالك اللي يقدر يقولي اعتزل. عقدي كان باقي فيه موسم لكن اخترت أمشي وأنا رافع راسي. آخر ضربة جزاء قدام بيراميدز كانت رقم 10، وأنا بلبس 10.. حسّيت إنها إشارة من ربنا إن ده وقت النهاية”.
