إنهار محمود عبد الرازق شيكابالا، قائد الزمالك السابق، من البكاء على الهواء في وداع محمد صبري نجم الفارس الأبيض الذي رحل عن دنيانا، ووجه رسالة نارية.
وقال شيكابالا،خلال تصريحات تليفزيونية ببرنامج “الكورة مع فايق”،عبر قناة “mbc مصر 2″:” تيشيرت الزمالك اللي أنا لابسه ده الناس حبته علشان محمد صبري الله يرحمه رغم إن الفرقة كان فيها نجوم كتير، شيكابالا، الناس كانت بتحب صبري عشان كان واحد منهم ، كان بالنسبالي وانا صغير حلم اني اتمرن معاه ولعبت معاه وكان شرف عظيم ليا”.
وأضاف: ” واول مره اتمرن معه اتصلت باهلي وقولتلهم انا جريت جانب كابتن محمد صبري النهارده”.
وتابع شيكابالا: “الدنيا مش مستاهلة، دي كورة بنعمل الصح والغلط، بنقعد نمسك الناس وندوس عليهم ولازم نتغير، انت لما تشتم لاعب بأمه ومراته هتستفاد أيه كمشجع؟ ما يمكن اللاعب دة ميبقاش موجود معانا بكرة”.
وشدد:” هنقعد شهر شهرين نتكلم عن محمد صبري طيب وبعدين؟، في ناس بتموت في الدرجة الثالثة والرابعة ومحدش بيبصلهم “.
وواصل شيكابالا:” أنا شوفت نجوم كبار جدًا مش معاهم حاجة وبيكلمونا يقولوا مش مش معانا، اتكلمنا عن أحمد رفعت شهر وبعدين حصل ايه ولا حاجة، حد اتعاقب؟ محصلش”.
وأختتم: بشوف بره ماتشات خيرية برشلونة بيلاعب ريال مدريد وبايرن ميونخ بيلاعب ليفربول، نفسي المسؤولين في مصر يتبنوا الفكرة ويعملوا ماتشات خيرية الزمالك والأهلي واشوف الاهلي والمصري واشوف الزمالك والإسماعيلي ويبقى في صندوق وايرادات من الماتشات الخيرية دي”.
