فجر الإعلامي مهيب عبد الهادي مفاجآت بالجملة، بشأن أرض فرع نادي الزمالك الجديد بمدينة 6 أكتوبر، وإمكانية رحيل نجم الفريق البرازيلي خوان ألفينا بيزيرا.
وقال الإعلامي مهيب عبد الهادي في تصريحات عبر برنامج “اللعيب”، على قناة “mbc masr”: “خلاص الأرض هترجع تاني، هناك انفراجة في عودة أرض نادي الزمالك”.
وتابع: “ماشي، طب ولما ترجع الأرض، يا رب الأمور تتعدل، يا رب نشوف لاعيبة سوبر، يا رب نشوف نتائج، يا رب نشوف بطولات، أدي الأرض هترجع، إيه اللي هيحصل بعد رجوع الأرض؟ هنشوف وهنعرف”.
وواصل: “لكن الزمالك محتاج لحامد حمدان بدرجة كبيرة جدًا في يناير، يعني محتاج صفقتين تلاتة يعوضوا ما فات من الصفقات”.
وأشار: “استفاد نادي الزمالك بمحمد إسماعيل، بأحمد ربيع، بخوان ألفينا، لكن حتى الفينا، وجوده مش يعني مؤقت في نادي الزمالك. يعني إيه مؤقت؟ يعني الفينا ممكن يتباع في أي وقت”؟
وشدد: “وعلى فكرة في عروض للفينا من قطر، وعروض شبه منتهية. كلام واضح: هناك عرض للفينا من قطر أو بالتحديد، والعرض منتهي، وكان ممكن يخلص على طول في أي وقت، لكن نادي الزمالك مستني لحد نهاية الموسم نشوف إيه اللي هيحصل”.
واختتم: “في أمور كتير ممكن تتغير في يناير، على فكرة يعني ممكن أمور نادي الزمالك تتغير بشكل كبير جدًا”.
