كشف طارق السيد، نجم الكرة المصرية السابق، عن تشابه الوضع الحالي للمدير الفني حسام حسن مع ما عاشه حسن شحاته قبل أمم أفريقيا 2006، مؤكدًا أن الضغوط والمطالب برحيل المدرب لا تعني بالضرورة نهاية الطريق، وأن النجاح قد يكون ردًا على هذه التحديات.
وقال طارق السيد عبر برنامج اللعيب على قناة ام بي سي مصر: “يمكن نفس الظروف اللي بيعيشها كابتن حسام حسن .. عاشها كابتن حسن شحاته قبل امم افريقيا 2006 وكان في مطالب كتيره برحيله قبل البطولة وانا كنت شاهد عيان على كده وقتها”.
وتابع: “كابتن حسن شحاته رد في الملعب وقتها وكسبنا البطولة ثم بعد كده كسب 2008 و2010 وعمل تاريخ كبير مع مصر”.
وأضاف: “اللي بيحصل حالياً مع كابتن حسام حسن ممكن بسبب أن في ناس مستكتره عليه المنصب شويه”.
وأردف: “ولكن برضوا بسبب التصريحات اللي بيقولها.. ممكن ميكنشي قاصد بس الكلام بيتحسب عليه وبيعمل مشاكل”.
وأشار: “مشكله كابتن حسام أنه شخص بيتنرفز كتير وده بيخليه يقول كلام مينفعشي ويعمل أزمة”.
واختتم: “رغم كده لازم كابتن حسام حسن ياخد فرصته كاملة لحد أمم أفريقيا وبعدها نشوف هيحصل ايه .. ولازم مسانده في الوقت ده”.
