عمرو أديب بعد إرتدائه الجلابية: “حاسس ان وشها هيكون حلو على الزمالك أمام الأهلي و يكسبوا نادي المليار”

أكد الإعلامي عمرو أديب، ان الجلابية الصعيدي الذي ظهر بها اليوم لأول مرة علي الهواء مباشرة ستكون فال حسن للزمالك أمام الأهلي غدا في نهائي السوبر.

وظهر عمرو أديب، في بداية حلقة برنامج “الحكاية” بالجلابية، وقال: “أنتوا تعلموا التريند اليومين اللي فاتوا، الجلابية منتشرة في مصر، انزل إلى الصعيد وهتشوف الجلاليب، أن فخور بلبسي، الجلابية دي فرعوني، بجد أنا مستمتع أنا سعيد”

وتابع: “أنا اتبهدلت بنطلونات 30 سنة، النهاردة أنا أشعر بالحرية، أنا حابب اقول مين مصر، هي لحظة ثقافة، لمحة إبداع، شايف الجمال شايف الحلاوة، وحاسس ان الجلابية دي وشها هيكون حلو على الزمالك، هيأثر بكرة على ناصر منسي، وعلى كل اللاعبين”.

وأردف اديب:” حاسس اللبس ده بيقول زمالك زمالك ارجوكم البسوا الابيض، وروحي فيها حاجه شامم ريحه النصر ونادي المليار ممكن يتغلب، و الجلابيه بالاصاله والمعاصرة بكره تعمل ماتش كويس”.

وأكمل:” انزلوا بجلابيب انزلوا بجلابيه بيضاء بخطين حمر حسيت ممكن نعمل شئ مختلف ونجيب هدفين تلاته الحارس بالجلابية دي ميدخلش فيه اهداف ان شاء الله بعون الله وبركة الجلابيه دي، نجيب اجوال كتير”.