رد هشام نصر، نائب رئيس الزمالك، على إمكانية عدم عودة ارض النادي بالسادس من أكتوبر بعد سحبها من وزارة الإسكان.
وقال الإعلامي عمرو أديب،خلال تصريحات تليفزيونية ببرنامج “الحكاية”،عبر قناة “mbc مصر”:” احساسي الارض مش راجعه، ليه الارض دي بالذات عاوز تاخذها هناك اصرار من الدوله ان في غلط”.
ومن جانبه رد هشام نصر: “هيبقى قرار دولة وهتبقى خسارة، هل لو اعطتني ارض تانيه هتبقى بنفس المواصفات الدوله معنا ومستنين القرار”.
وأضاف:” بيعنا مكونات احنا مش بنبيع ارض، ولا كل المنطقه في ناس بتبيع شقق لاجانب، ممكن تبيع بعض العناصر تفوقك احنا عاوزين نزق الدنيا وعندي اراضي تانيه للمستقبل”
وتابع نصر: ” احنا معملناش خطوة بدون موافقة الدوله، ومعنا ورق معتمد، واهلا وسهلا لو في اي خطأ اللي تعاقدوا معنا بنوك واتاكدوا من صحة موقفنا، مش لازم يضمن فلوسه”.
واشار:” هل احنا عملنا المشروع من نفسنا احنا تعاقدنا مع جهه سياديه، علشان منعملش حاجه غلط، الاعجب قبل السحب باسبوع تعاقدنا مع جهة سياديه لتسويق العضويات ازاي مضيت معي يارب الخير وان شاء الله الارض ترجع”.
وواصل نصر: “الارض مش معنا وانسحبت، واجراءات السحب خاطئه ورفعنا قضيه، احنا الزمالك ومش شركة تربح لو شركة استثماريه واتاخرت في البنا”.
وأختتم:” انا اكتر واحد حزين، احنا في انتظار انتهاء الجزء القانوني وعرض الملف لاتخاذ القرار، احنا كل يوم بنروح كل الجهات وجاهزين لاي سؤال”.
