كشف هشام نصر، نائب رئيس الزمالك، سبب إختفاء مجلس إدارة النادي، وعدم مصارحة الجمهور بما يحدث في الكواليس وخاصة في الازمات.
وقال نصر ، خلال تصريحات تليفزيونية ببرنامج “الحكاية”، عبر قناة “mbc مصر”:” فيه عتاب من الجماهير إن مجلس الإدارة مختفي ومبيظهرش وقت الأزمات الكبيرة؟ ده مش اختفاء، لكن حجم المشاكل أكبر من أي حد يتخيل، وأغلبها مخفية”.
وتابع:” إحنا حاولنا نظبط الملفات، لكن بعد مراجعة الحسابات اكتشفنا مديونيات أكبر بكتير، ممكن تكون ضعف ما كنا متوقعينه”.
واضاف نصر:” الكلام ده منين؟ من مراقب الحسابات من خارج النادي، والميزانية اترفضت في الجمعية العمومية الأخيرة وفي في التيابه، ولجنة التفتيش الأخيرة اللي نزلت النادي كانت بسبب الميزانية القديمة اللي تم رفضها “.
وواصل:” كان من الواجب على المجلس المكاشفة والمصارحة، لكن المشاكل كانت أكبر من إنها تتكشف كلها في البداية”.
وأشار نصر:” ولسه فيه قضايا مستمرة، الفرق بين اللي كنا متخيلينه والواقع، الديون ضعف ماتوقعنا، مع وجود إدارة شغالة ومصاريف بين مليار ونص لـ2 مليار جنيه، والجاي لنا حوالي 500 مليون، ولسه فيه عجز مالي”.
وأردف: “وفي خبر مهم الجماهير اننا شغالين على إنشاء شركة لكرة القدم، ولما تتفصل هتخفف العبء عن الجمعية العمومية، وكمان هتكون مفاجأة للجمهور بتحديد نسبة للاكتتاب من الجماهير”.
واختتم:” بعد تحسين ملف الرعاية، عدد الرعاة زاد أربع أو خمس أضعاف، لما استلمنا النادي كان فيه راعي واحد، دلوقتي بقى عندنا 7 رعاة، وده مجهود كبير، المشكلة الحقيقية مش في الديون المالية، لكن في جذب الناس اللي عاوزة تساعد وورجال الأعمال والمحبين للنادي”.
