كشف ماهر غريب، رئيس المنظومة الإعلامية بنادي الزمالك، عن استعدادات الفريق قبل مواجهة بيراميدز في كأس السوبر المصري، مؤكدًا جاهزية اللاعبين، وتحدث عن موقف الغيابات.
وقال ماهر غريب، في تصريحات عبر برنامج “اللعيب” على قناة “MBC مصر”: “الأجواء كويسة، والزمالك جاهز إن شاء الله لمباراة بكرة أمام بيراميدز، وكل الأجواء داخل الفريق مبشّرة. الحقيقة في جهود كبيرة جدًا اتبذلت من الجميع علشان تجهيز الفريق للمشاركة في بطولة السوبر. الغيابات أكيد هتكون مؤثرة شوية، خصوصًا غياب دونجا المعروف وكمان غياب خوان بيزيرا، بس البركة في الموجودين زي ما بيقولوا، الزمالك بمن حضر”.
وعن إمكانية لحاق بيزيرا بالمباراة الثانية في كأس السوبر، قال: “من دلوقتي صعب نحسم الموضوع ده، امبارح أجرى تدريبات علاجية، والراجل بيحاول يجهزه، بس مفيش كلام مؤكد يلحق ولا لأ، لسه بدري. الزمالك كله مركز في مباراة بيراميدز، وصعب تفكر في النهائي من دلوقتي. خطوة بخطوة، نخلص مباراة بيراميدز وبعدها نشوف وضع باقي اللاعبين سواء بيزيرا أو غيره. التفكير في النهائي بدري كده مش في صالح الفريق”.
وعن موقف أحمد فتوح ومحمد صبحي، قال: “همّا الاتنين إن شاء الله هيتحدد مصيرهم الصبح يوم المباراة، وكابتن أحمد عبد الرؤوف بيتابع حالتهم. وأعتقد إن الأقرب إنهم يبتدوا المباراة ويشاركوا كلاعبين أساسيين بإذن الله”.
