مفاجأة مُدوية.. هاني أبو ريدة يُعلن مصير الجهاز الفني لمنتخب مصر قبل أمم إفريقيا! فيديو
في مفاجأة جديدة، كشف الإعلامي أحمد شوبير عن كواليس مكالمة دارت بينه وبين رئيس اتحاد الكرة، والتي تحدثوا خلالها عن وضع منتخب مصر في الفترة المُقبلة، وردّه على ما أثير حول مصير الجهاز الفني بقيادة حسام حسن قبل أمم إفريقيا.
وقال شوبير في برنامجه الإذاعي إن المكالمة كانت صريحة وواضحة، وروى تفاصيلها كالتالي: “أنا كنت مكلم رئيس الاتحاد قبل ماتش الرأس الأخضر، وقولتله عامل إيه والدنيا ماشية ازاي. ردّ عليّا وقال: لأ إحنا اشتغلنا وقعدنا مع اللعيبة واتكلمنا في حاجات مهمة، والتجربة دي بنتعلم منها كتير.”
وأضاف: “سألته: طب يا فندم بتفكر في إيه الفترة الجاية؟ هل فيه نية لتغيير الجهاز الفني؟ قام قاللي: تفكير في إيه؟ أنت تقصد أشيل المدرب؟ وقولتله لأ أنا بس بسأل عن رؤية الاتحاد، خصوصًا إن عندنا أمم إفريقيا وتصفيات كأس العالم.”
وتابع شوبير: “رئيس الاتحاد قاللي بالنص: ممنوع حد ييجي يقولّي مصير الجهاز الفني. ما فيش حاجة اسمها كده. المرحلة دي مرحلة مساندة ودعم، مش وقت تشكيك ولا تغيير.”
وقال: “وضح لي إنه بيقف مع المنتخب لأن عندنا بطولة كبيرة ومحتاجين نقف ورا الفريق، وأكدلي إن الكلام ده بيقوله وهو رئيس اتحاد، وهيقوله حتى لو مش في منصبه.”
وأكمل شوبير نقل تفاصيل المكالمة: “قال إن الجهاز الفني هيقعد يشوف اللي حصل في آخر ماتشين ويستفيد منهم، وإن عندنا ماتش مع نيجيريا يوم 14. قلتله طب ما نيجيريا خرجت، ردّ وقال: لأ، الماتش اتفاق رسمي ومكتوب، ونيجيريا جاية سواء خرجت أو مكملين”.
