أكد أحمد حسام ميدو، نجم الزمالك السابق، أن هناك لاعبين بالفارس الأبيض من العيب ان يرتدوا قميص الفريق،، ولعب منهم 4 أمام الأهلي في نهائي السوبر.
وقال ميدو،خلال تصريحات تليفزيونية ببرنامج” أوضة اللبس”،عبر قناة “النهار”:” اختيار أحمد عبد الرؤوف إنه يخوض بطولة السوبر، شايف إنه اتظلم فيها بشكل كبير جدًا باختيار أعضاء للجهاز الفني أول مرة يشتغلوا معاه، ودي نقطة مهمة جدًا وفاصلة إنه يخوض بيهم ماتش السوبر”.
وتابع:” النتيجة كانت إنك كسبت بيراميدز وعملت ماتش محترم، لكن لما لعبت قدام فرقة متحضّرة كويس ووراها جمهورها، مشاكلك بانت، مش بس في تحضيرك للسوبر، لكن كمان في تحضيرك للموسم كله”.
وشدد ميدو:” النهارده لما اضطريت تلاعب شوية لعيبة كنت متعاقد معاهم وفاكر إنك مش هتحتاجهم في الوقت المهم، ربنا أراد إنك تحتاج لهم، واللاعيبة دي مع احترامي الكبير قالتلك رسالة واضحة: “إحنا مش لعيبة الزمالك”.
وأكمل:” النهارده في أربع لعيبة شاركوا في الماتش، بدأ منهم تلاتة، ومش هقول إنهم اختيارات سيئة، لكن هقول إن عيب إنهم يحطوا فانلة الزمالك على جسمهم، خصوصًا إنهم جايين بفلوس كتيرة”.
وأختتم:” فلازم يبقى في مراجعة، لأن الزمالك نادي كبير ومينفعش يتساب كده، والزمالك ليه أصحاب، وأصحاب الزمالك الحقيقيين هم جمهوره”.
شاهد:
