أشاد الإعلامي أحمد شوبير بالأجواء الإيجابية داخل النادي الأهلي خلال الفترة الأخيرة، مؤكدًا أن الفريق يعيش حالة من الاستقرار بعد نتائجه الجيدة، وسط دعم جماهيري واسع.
وقال شوبير في تصريحات عبر برنامجه الإذاعي صباح اليوم الإثنين: “طبعًا في حالة من الهدوء الشديد جدًا داخل النادي الأهلي.. فوز ببطولة السوبر ثم الفوز على شبيبة القبائل فوز كبير 4، والاطمئنان على إمام عاشور، والحالة الجيدة اللي عليها معظم نجوم الفريق عاملين حالة من الراحة والثقة عند الفريق.”
وأضاف: “بس أنتم عارفين طبعًا جمهورنا بيبقى على الشعراية.. ماتش يقول لك: الله، والماتش اللي بعديه يقول لك: مش عارف مين يمشي ومين يقعد وهكذا.”
وتابع شوبير: “مثلًا من الحاجات اللي بستغرب لها جدًا الحملة على محمد شريف. محمد شريف يا جماعة هدّاف وجاب جون، ومحمد شريف ما شاء الله داخل في أرقام قياسية دلوقتي. فاضله 10 أهداف ويعمل رقم قياسي، فيا جماعة مش كده.. بالراحة شوية.”
واستطرد: “الراجل جاب جون، ممكن الأداء ما يكونش قد كده، لكنه بيسجّل.. زي بولد روسي نجم إيطاليا الراحل اللي ساهم في بطولة كأس العالم، وجيرد مولر في ألمانيا.. ناس كتير جدًا كانت بتجيب أجوان، مع الفارق طبعًا في المقارنة.”
واختتم: “فخلّونا يا جماعة والنبي كده بالراحة على أولادنا.”
