خرج أحمد رأفت، وكيل لاعب الزمالك أحمد ربيع، عن صمته بعد انتشار تصريحات إعلامية تتهم اللاعب بإصابته المزمنة، ليكشف في برنامج اللعيب على قناة MBC مصر التفاصيل الكاملة لحالة اللاعب ويهاجم من يروّج لهذه الشائعات.
وقال أحمد رأفت في تصريحاته عبر برنامج اللعيب: “في شوية كلام طلع الأيام اللي فاتت عن إصابة أحمد ربيع، وكلام كله غلط ومفيهوش أي مهنية. في إعلامي طلع قال كلام مش مظبوط وبيحاول يعمل تريند على حساب اللاعب.”
وتابع: “يا جماعة مفيش نادي في مصر أو برا مصر بيضم لاعب من غير ما يعمل له كشف طبي كامل… والزمالك مش هيجيب لاعب نص نص. فإزاي حد يطلع يقول إن عنده إصابة مزمنة؟ ده كلام مالوش أي أساس.”
وأضاف رأفت موضحًا سبب الإصابة الأولى: “أحمد ربيع جاله مزق كبير في العضلة الضامة في أول تمرينة له مع الزمالك… وده بسبب تضارب الأحمال، لأنه كان بيتمرن يوم مع البنك الأهلي ويوم لأ بسبب موقف انتقاله للزمالك، وده عمل مشكلة في نومه وضغط نفسي كبير.”
واستكمل: “أول ما بدأ تمرينه مع الزمالك حصل فرق في الحمل البدني، فجاله مزق 6 أو 7 ملي على طول، وده اللي غابه فترة.”
وأوضح: “الإصابة الأخيرة مكان تاني خالص… مجرد إجهاد بسيط في الضامة الثانية، حاجة ملي ولا حاجة، وملاش أي علاقة بالمزق القديم.”
واختتم أحمد رأفت هجومه: “إزاي حد يطلع يقول إصابة مزمنة؟! أحمد ربيع أرقامه بتتكلم… من أفضل اللاعبين ومينفعش إعلامي يطلع يعمل تريند على حسابه بالشكل ده.”
