أحمد موسى يفتح النار على الجميع بعد فضيحة منتخب مصر في كأس العرب… “معندناش كرة من2010”
وجه الإعلامي أحمد موسى، كلامه إلى المسئولين عن الرياضة المصرية بسبب الخروج المهين من كأس العرب بعد التعادل السلبي أمام الإمارات والكويت قبل الهزيمة أمام الأردن قبل قليل.
وقال موسى خلال تصريحات تليفزيونية ببرنامج”على مسئوليتي”، المذاع على قناة “صدى البلد”:” شئ يخليك تقول ايه بيحصل روحنا بمنتخب تعبان شويه مكسحين مع احترامي لهم، مفيش كره ولامنتخب ولامدرب ولا لعيبه ولا منظومه مفيش الف باء رياضة من اول ماتش قولت لازم يرجع المنتخب ده ويوم الامارات نفس الحكايه”.
وتابع:” المنتخب الاردني اللي فاز علينا هو التاني و لو بيلعب المنتخب الاول كانوا فازوا علينا 6 او7 من كرم ربنا ملعبوش، منتخب الاردن قوي هيعمل حاجه في كاس العالم لان في منظومة “.
وأكمل موسى:” مفيش مجاملات متعرفش مين يختار مين فين حسين الشحات وناصر ماهر وطاهر محمد طاهر، واخد مين معك مين بيختار؟، بيتكلم علي سمعة الرياضه الناس ملهاش علاقه بمنتخب اول او ثاني من اول منتخبات الناشئين واحمد الكاس واسامة نبيه وحلمي طولان ومنتخبات فاشلة “.
وأردف:” بيراميدز رفض يودي لعيبته، مين بيكلم على سمعة البلد، سمعة مصر محدش يقولي ماتشات وديه، محدش يروح يقولي لجنه مش عاوزه اسمعها، لو في لجنة يبقي الموضوع اطرمخ عاوزني اصحى لك الفجر اتفرج على كاس العالم ماهي باينه”.
و أضاف:” ليه معملتوش منتخب محترم نروح قطر مين بيدافع عن سمعة مصر، جماهير بالاف حضرت بتعيط واحنا بنعيط، مشوفتش كره من بعد حسن شحاته من2010 وده اخر منتخب بعد كده كل سنه وانت طيب، وعندنا صلاح مرموش ومصطفى محمد ولاعب او اثنين، بلد 100 مليون مش عارفين نطلع لعيبه”.
وواصل موسى:” ايه اهمية الدوري يا احمد دياب موقفتش الدوري ليه خايفين على الاعلانات والفلوس، طيب وسمعة البلد دي، البلد بيحب الرياضه دي القوه الناعمه ترددت اطلع على الهوا لولا الامانه واحتراما للجمهور، لاني غضبان وضيعت ساعه ونص، وصلنا لا، مهزله مفيش كره ولا هجمه ولا لعب جماعي شوف منتخب الاردن ماشاء الله “..
وزاد:” فين اللعيبه اللي بتشوط، فين اللعيبه الخايفه على سمعة البلد، كنا من الاول نعتذر لا ما نروح بمنتخب بجد ويقعدوا يشوفوا منتخب بقول للكل هاني ابو ريدة واحمد دياب وحسام حسن وحلمي طولان و اللي يزعل يزعل الاعلام مبهدلنا محدش فكر في غضب الناس وزعلهم الناس كان نفسنا نتأهل شوفتوا منتخب فلسطين والعراق والاردن وسوريا والإمارات المنتخبات بتلعب كره ومنتخب المغرب عندهم منظومه هائله”.
و استأنف موسى: “احنا محدش بيحاسب حد، عملنا ايه في المنتخبات وفروا الفلوس لحد ما يبقى عندنا كره بجد الملايين بتصرف في الارض ياريتهم ماراحوا عندنا امم افريقيا وكاس العالم استعديتوا ازاي، كله كلام فارغ الكابتن حلمي عامل تصريحات رهيبه بيقول محدش دعم، النائب احمد دياب ماوقفش الدوري المصري ده السؤال واحنا عندنا دوري، انتم فاكرين عندنا دوري لا معندناش بنضحك على بعض”.
واختتم:” مفيش عندنا الا حاجه واحده تتفرج علشان دمك يتحرق مش عارفين نفوز ماتش ايه الخيبه دي، معرفش محتاجين ايه مش عارف زعلان وحزين جدا وبعبر عن الشعب كله الشعب بيغلي 100.مليون بيغلوا كله، وهنا كابتن حلمي مقالش قبل مايروح وليه؟ روحت كنت اطلع اتكلم وقول مفيش دعم، بعد الخروج المهين رايح العب يبقى عندي منتخب محترم مش قادرين نلاقي 11 يلعبوا او15 واحد يبقى عندي منتخب لو هعمل تقييم هاعطيه صفر ولوفي اقل من الصفر هعطيه”.
