وجه الإعلامي أحمد موسى، رسالة لمجلس إدارة الزمالك بشأن أرض أكتوبر، بعد بيان النيابة العامة اليوم.
وكانت النيابة العامة، قد اصدرت بيان رسمي اليوم بخصوص أزمة سحب وزارة الاسكان أرض الزمالك، واكدت ان مجلس الادارة قبل صدور موافقة الرئاسة أو صدور تراخيص بالإنشاءات من قبل هيئة المجتمعات العمرانية الجديدة قام النادي ببيع أجزاء من المباني قبل إنشائها إلى جهات رسمية أموالها أموال عامة ونشاطها بعيد عن نشاط النادي الرياضي، وتحصل من تلك الجهات على مبالغ مقدارها 780 مليون جنيه جاري فحص ما آلت إليه هذه المبالغ، مما يشكل شبهة إهدار للمال العام التي يجب أن يحاط بإجراءات صارمة للحفاظ عليه .
وقال موسى، خلال تصريحات تليفزيونية عبر برنامج “على مسؤوليتي” على قناة “صدى البلد”:” بوجه نصيحة لمجلس إدارة الزمالك بعد بيان النيابة العامة النهاردة : الحل دلوقتي إنكم تنسوا الأرض دي خلاص، لأن في تحقيقات في النيابة العامة، عاوز الزمالك يبقى عنده فرع و2 و3″.
وأضاف: “هل في عقاب لجماهير الزمالك؟ لأ، على الإطلاق، لكن في سؤال لازم الجمهور يسأله، من 2003 الأرض متعملش فيها حاجة ليه؟ لازم تسألوا”.
وشدد موسى:” ليه كان بيضحك على الجمهور؟ ما تقولوا مفيش فلوس نبني، الدولة ساعدت ودعمت وأعطت مهلة، محدش بياخد أرض مدى الحياة ويحطها كده”.
وواصل:” ما تتكلم مع نفسك، كام مجلس عدى وعملوا إيه وسابوها ليه؟ قولوا واتكلموا، ومتحملوش المشكلة لحد تاني”.
وأختتم: “بنصح الزمالك بوضوح يدور على أرض تانية، يشوفوا فلوس ويدوروا علي ارض تانية، طالما الأرض عند النيابة محدش عارف تقاريرها إيه، وهي جهة تحقيقات ولجان وخد عندك بقى تحقيقات عديدة”.
