“أنتم سبب مشاكل الزمالك الجديدة وليس المجلس السابق”.. خالد الغندور يفتح النار على إدارة الزمالك!

أطلق الإعلامي خالد الغندور تحذيراً صارماً لمجلس إدارة نادي الزمالك، معبراً عن قلقه البالغ من تزايد الأزمات المالية والإدارية التي يعاني منها النادي، والتي باتت تهدد استقرار الفريق وأداءه على المستويين المحلي والقاري. وأكد الغندور أن استمرار هذه المشاكل دون حلول عاجلة قد يفضي إلى انهيار هيكلي داخل النادي، لا سيما بعد فسخ عدد من اللاعبين لعقودهم وتزايد القضايا المتعلقة بالمستحقات المالية.

وقال خالد الغندور في تصريحات إذاعية: “يا جماعة يعني بصراحة اللي بيحصل في نادي الزمالك ده لا يسر عدو ولا حبيب ولا منافس حتى، يا جماعة يا مجلس إدارة يا انتوا عارفين أنا بحترمكم قد إيه وبقدركم قد إيه وأنتم ناس محترمين، لو أنتم يا جماعة مش قادرين تحلوا المشكلة وشايفين إنها أكبر منكم وعايزين تروحوا للوزير الشباب والرياضة ودكتور أشرف صبحي، دكتور أشرف صبحي مش هيدفع لك 2 مليار ولا 2 مليار ونص ولا هيحل لك كل المشاكل دي”.

وتابع: “ولو أنتم شايفين إن أنتم مصدومين في الأرض يا جماعة خلاص بقى القصة بقت دمها تقيل، الموضوع يا جماعة نادي الزمالك بينهار، نادي الزمالك كده بينتايج بيفسخ تعاقده، صلاح مصدق بيفسخ تعاقده، ولسه هالوم جره اللي جاي”.

وأضاف: “وعندك ست قضايا قفل قيد، وأساساً منهم حاجات أنتم تتحملوها مش غيركم من المجالس السابقة، يا جماعة الموضوع بقى دمه تثقيل قوي، أنا مش بهاجم حد ولا بحب أهجم مجلس الإدارة ودايماً بحب أساند الناس اللي موجودة عشان مساندة الناس اللي موجودة ده نجاح للنادي اللي احنا بنحبه، لكن الوضع كده الوضع بقى صعب جداً”.

وواصل: “يا جماعة والله العظيم الله يكون في عون جمهور الزمالك والله يكون في عوني، أنا راجل في النهاية كابتن الزمالك وبحب النادي وبخاف على النادي وبتمنى للنادي يكون في حتة أفضل، شكل عام كده بقى خطير جداً يا جماعة، لا بقى مش طبيعي”.

وأردف: “أنت وانت جاي وانت عارف إن في مشاكل وفي مشاكل قديمة، أنت بتتكلم دايماً على مشاكل قديمة، طب مافيش مشاكل جديدة خلقت وانت موجود برضه! يا جماعة لازم يكون في حل والدولة المصرية لازم تتدخل، يا جماعة ده نادي الزمالك ده أمن قومي، ده قيمة كبيرة جداً”.

واختتم: “النادي الإسماعيلي بينهار وادي الزمالك في طريقه للهيار، إحنا رايحين لفين؟ الأندية الشعبية إيه؟ الكرة اتعملت عشان الجمهور يا جماعة، مش عشان أندية خاصة ولا أندية بلا جماهير. الله يكون في عون النادي، الله يكون في عون النادي ويكون في عون جمهور نادي الزمالك العظيم”.