أكد الإعلامي إبراهيم عبدالجواد، أن مجلس إدارة نادي الزمالك الحالي ورث تركه ثقيله مشددا انه يحاسب على فاتورة المجالس السابقة وخاصة في ازمة ارض اكتوبر.
وقال عبدالجواد،خلال تصريحات تليفزيونية ببرنامج “ملعب أون” عبر قناة “أون سبورت”:” الزمالك عنده أسئلة منطقية جدا .. طالما انت عايز تديني ارض بديله طيب ما ترجعلي أرضي احسن اللي خططتها واشتغلت فيها ”
وأردف:” فطالما في نية لمساعدة الزمالك فالافضل ترجع الأرض مش منح ارض “.
وأكمل عبد الجواد:” إدارة الزمالك جهزت مستحقات اللعيبه المتأخرة وكمان لفك القيد وجلب صفقات علشان تقدر تعدي الفتره دي والزمالك يوقف على رجله “.
واشار:” الحاجه الأهم في وجهه نظري، في تفصيله عامه أن الكرة في مصر لازم يبقى فيها شكل مختلف علشان الأندية الشعبيه، بعيدا عن الأهلي اغلب الأندية الجماهيرية بتعاني”.
و أضاف عبد الجواد:” فيما يخص الزمالك قول كيفما شئت على المجلس، لكن كل اللي فيه الزمالك بسبب الأخطاء السابقه لان المجلس ده استلم النادي أرض محروقه وكان في مشاكل لا تعد ”
واختتم:” الأرض دي في عهده إدارات الزمالك بقالها عشرين سنه ومحدش حط فيها اي حاجه، المجلس الحالي بيحاسب على مشاريب المجالس السابقة”.
