علق حازم إمام، نجم الزمالك السابق، على تصريحات أحمد عبدالرؤوف المدير الفني للفريق الأول لكرة القدم، بعد الفوز أمام بلدية المحلة في كأس مصر، عن أوضاع النادي ووجه رسالة للمسئولين
وكان احمد عبد الرؤوف قد قال: “الظروف صعبة علي كل المستويات ، بداية من الامور المالية واللاعبين صابرين تمامًا بس اللاعبين بيلعبوا برضه عشان الفلوس”. .
وأردف:” مفيش ظهير أيسر في قطاع الناشئين ومش بتعنت ضدهم ناس متخدش فلوس بقالها 6 شهور ، وايشو ملهوش بديل، بنتايج مش معانا ومعرفش ظروفه ايه ومش واخد اجازة والمفروض انه فسخ تعاقده من طرف واحد ، واحمد حمدي لن يشارك مع الفريق في الفترة المقبلة بالنسبة ليا علي المستوي الشخصي”.
وقال إمام في تصريحات تليفزيونية عبر قناة “أون سبورت ”
:” اللي قاله أحمد عبد الرؤوف النهارده طبعاً هو مش عايز يتكلم، لكن واضح إن الأمور المادية طبعاً باينة للناس كلها”.
وشدد: “أعتقد يعني عمرنا ما شفنا نادي الزمالك في هذه الحالة.. أنا يعني مشفتش الزمالك قبل كده بالمنظر الإداري اللي هو فيه مشاكل كتير كبيرة جداً بهذا الشكل قبل كده، وباين على الفرقة بشكل كبير جداً”
و أضاف إمام:” مفيش فلوس وبالتالي الأمور صعبة جداً.. يعني بجد مش عارف حاسس الموضوع المرة دي مش زي كل مرة، موضوع أصعب بكثير”
وتابع:” موضوع مش بس كورة، موضوع نادي الزمالك.. مش عايز أقول كلمة كبيرة بس الزمالك يعني في طريقه لحاجة مش كويسة، وده هيأثر على الرياضة بشكل عام مش كورة بس، يعني مش كورة، هيأثر على كل الألعاب لأن الزمالك دايماً شريك أساسي مع الأهلي في بناء مستقبل أو بناء المنتخبات”.
وواصل إمام:” فاتمنى من المسؤولين يعني إن هو موضوع الزمالك ده يبقى بغض النظر عن مجالس الإدارات”.
وأختتم:” فنحاول نساعد النادي مش نساعد المجلس.. المجلس يقعد ويمشي كلهم ليهم الاحترام طبعاً، لكن لو هما غلطوا يتحاسبوا، لكن النادي ككيان لازم الناس تعامله ككيان كبير في الوطن العربي كله يعني”.
