علق أيمن يونس، نجم الزمالك السابق، على تعادل الفريق الأول لكرة القدم بالنادي أمام كهرباء الإسماعيلية، ضمن منافسات بطولة كأس عاصمة مصر.
وتعادل الزمالك مع نظيره كهرباء الإسماعيلية، بثلاثة أهداف لكل فريق، في افتتاح بطولة كأس عاصمة مصر.
وقال يونس، خلال تصريحات تليفزيونية عبر قناة “أون سبورت”:” كله بيستفيد من المباريات، يتفرج على قطاع الناشئين أو يجهز اللاعبين واعتقد ده كان فكر أحمد عبدالرؤوف النهارده “.
وتابع:” الزمالك بدأ بشكل كويس وكان في شكل هجومي كويس وحصل خطورة ولكن”.
وأضاف يونس: “معجبنيش أن بارون أوشينج لعب في مركز غير مركزه، احنا جيبنه يلعب باك يمين بدل عمر جابر .. كنت حابب اشوفه في المركز ده”.
وأردف:” طبعا مقدرشي الوم حد باشراك اللعيبه الشباب ولا اقدر احكم عليهم، لأن الظروف مختلفه وده يمكن اللي رجع كهرباء الإسماعيلية في النتيجة “.
وواصل يونس:” في الاخر أحمد عبدالرؤوف كان عنده اهداف عايز يشوف ناس وعايز يرجع ناس زي ما شوفنا نزول حمدي وجهاد وغيرهم”.
وأختتم:” أحمد عبدالرؤوف مدرب جيد جدا والراجل عنده أفكار وبيجرب وعنده حاجات عايز يطلعها، لكن المشكله كلها في الدفاع التغييرات اللي حصلت فيها”.
