علق حسام حسن، المدير الفني لمنتخب مصر، على التعادل أمام أنجولا،ضمن منافسات بطولة كأس الأمم الإفريقية 2025 المقامة بالمغرب،ووجه رسالة ناريه.
وقال حسن في تصريحات تليفزيونية عقب المباراة: “مبروك للشعب المصري على الصعود، وأنا سعيد بالتأهل، دون النظر للمشككين، وما يشغلني هو سعادة المصريين، اللي يهمني الناس اللي بتحب بلدها، في ناس محسوبة على البلد انهم مصريين ولكن بيقللوا من مجهود الآخرين وده في كل المجالات، ولكن الأهم واللي أنا سعيد به أننا بنفرح الشعب المصري الجميل”.
و تابع:” أنا اصطحبت 28 لاعبا في المغرب، وكنت عاوز أمنح الفرصة لكل الناس للمشاركة، والأهم هو القادم والبطولة لسة في بدايتها، وعملنا أول سلمة، والجاي مهم جدا، والمطلوب مننا نأكد الأداء”.
و شدد حسن: “مباراة اليوم بالنسبة لنا كانت بمثابة إعطاء الفرصة للجميع، وإراحة البعض، واستكشاف باقي اللاعبين لمنحهم فرص في الفترة المقبلة، وأعد الجماهير بتطور الأداء في المباريات المقبلة، لكن هذه البطولات الأهم فيها الفوز”.
وأكمل:” أنا عن نفسي لسه ما اكتفيتش، والبطولة لسه في بدايتها، إحنا عملنا أول خطوة، واللي جاي مهم، والمطلوب مننا نؤكد فرحة الناس في مصر، والنهارده كانت مباراة لإعطاء فرص ومشاهدة الحالة الفنية للاعبين، واللي ممكن تساعدنا في المباريات القادمة، وأنا راضي عن الـ3 مباريات، وبقول للجماهير مزيد من التطوير والأداء هيبقى أفضل، لكن البطولات اللي زي دي الأهم فيها النتيجة الإيجابية والفوز”
