علق الإعلامي سيف زاهر، على خسارة الفريق الأول لكرة القدم بالنادي الأهلي أمام المصرية للإتصالات، وتوديع بطولة كأس مصر من دور الـ 32.
وقال زاهر،خلال تصريحات تليفزيونية ببرنامج “ملعب أون”،عبر قناة “أون سبورت” : “مفيش حديث الا عن مباراة الأهلي و المصرية للاتصالات الناس بتتابع و تقولك الأهلي لعب بالناشئين، هل سيحا و عمر كمال و جراديشار و ياسين مرعي و العش و كوكا و الشحات وأشرف داري كل الأسماء دي ناشئين”.
و أضاف:” لسان حال الجمهور ازاي اللعيبة دي كدة ازاي رغم المرتبات العالية وده حقهم يكون ده مستوى الأهلي”.
وشدد زاهر:” مينفعش يكون ده شكل الأهلي في الملعب بالأسماء اللي شاركت، مبروك لنادي المصرية للاتصالات على الصعود و التأهل، شكل الأهلي مكنش في روح ولا عزيمة في أرض الملعب، وايه اللي مخلي شكل اللاعبين الكبار بالذات كده، هل شكري و اشرف داري و جراديشار والاسماء دي ناشئين”.
وأكمل: “وليد صلاح الدين مدير الكرة بالأهلي سيوقع أكبر عقوبة في تاريخ النادي بعد الخروج من المصرية للإتصالات في كأس مصر”.
وأختتم:” جمهور النادي الأهلي نفسه بيكون مستني مباريات الزمالك و المنافسة على البطولات امام الزمالك، جمهور الاهلي نفسه الزمالك يرجع احسن و ينافس عشان يكون للبطولات طعم وشكل، الاهلي والزمالك هما قطبين الكرة المصرية”.
