علق مصطفى أبو زهرة عضو مجلس اتحاد الكرة المصري،على تصريحات أعضاء اللجنة الفنية بالجبلاية وذلك بعد رحيلهم عن منصبهم.
وقال أبو زهرة خلال مداخلة هاتفية عبر قناة “أون سبورت”:” اتحاد الكرة مش المفروض إنه هيجيب ناس كبيرة يقول لها تتكلم إزاي، إحنا مش هنربي الناس، ولكن لو كانت اللجنة الفنية لسه موجودة كان يبقى عندك حق إننا نطلع بيان، إحنا مطلعناش بيان لأن اللجنة الفنية ما هي والعدم سواء من قِبل الجمعية العمومية”.
وأضاف:” إحنا وجهنا الشكر للجنة الفنية بالاجتماع يوم 22 نوفمبر واتنشر على صفحة اتحاد الكورة يوم 23 نوفمبر بتوجيه شكر لكل اللجان ما عدا لجنة الحكام .. فالناس دي أفراد أحرار تتكلم زي ما هي عايزة، لكن كلامهم غير مسؤول في وقت صعب”.
وشدد أبو زهرة:” إحنا دلوقتي في مصر مفيش غير منتخب مصر وبطولة أفريقيا وحسام حسن وإبراهيم حسن والـ 28 راجل اللي معاهم، ومطلوب من الجميع مساندتهم. أي حد هيحاول يخلينا نبص في ورقة تانية إحنا باصين في ورقتنا ومركزين وإن شاء الله حسام حسن هيروح بمصر كأس العالم وهيعمل أداء أكتر من محترم”؟
وأختتم:” آخر حاجة قالها ليا حسام حسن قبل ما يسافر: (إن شاء الله راجعين بكأس أفريقيا).. إحنا اجتهدنا وعملنا اللي علينا وعندنا لعيبة رجالة، وبقول للجمهور متقلقش، عندك اتحاد كورة محترم على رأسه رمز العالم كله بيحترمه ومعاه مجموعة رجالة ملهومش مصلحة غير نجاح الكورة وفرحة الناس”.
