حلمي طولان يخرج عن صمته بتصريحات ناريه بعد توديع منتخب مصر كأس العرب.. ويؤكد هذا الشخص سبب الفضيحة

علق حلمي طولان، المدير الفني لمنتخب مصر الثاني، على توديع بطولة كأس العرب المقامة في قطر، بعد الخساره أمام بدلاء الاردن في الجولة الثالثة بدور المجموعات وعدم تحقيق أي فوز.

وقال طولان في تصريحات عقب المباراة:” الكورة فيها توفيق وعدم توفيق، اه هما من ثلاث فرص سجلوا أهداف منهم ضربة جزاء .. احنا من سبع فرص مسجلناش، الاولاد عملوا اللي عليهم”.

وأضاف: “عايز اشكر 2 بس وقفوا مع المنتخب ده، هاني أبوريدة ومدحت شلبي هما اللي وقفوا مع المنتخب ده اللي ولد يتيميا”.

وشدد طولان:” المنتخب ده ولد يتيميا واتقالنا احنا جايين نلعب مباريات ودية ومش رسمية “.

وواصل:” كل المنتخبات العربية اللي شاركت وقفت الدوري الا الدوري المصري قالولنا دي بطوله وديه مش هاجل ماتشات علشانها ”

وأختتم: “هو شخص واحد ورا الفضيحة اللي حصلت دي واللي مرداش ياجل ماتشات الدوري علشان البطوله دي ومصر كلها عارفه”.