شوبير: “خلي دماغكوا باردة الزمالك هيعمل إللي قلتلهم عليه واتهاجمت.. ولن نسمح بالتسخين!” فيديو

في إطار متابعة الأوضاع الإدارية والقانونية لنادي الزمالك، حرص الإعلامي أحمد شوبير على توضيح موقف النادي من التطورات الأخيرة المتعلقة بالأرض المخصصة له، مؤكدًا على التزام النادي الكامل بالتعاون مع الجهات الرسمية للحفاظ على حقوقه ومصالحه.

وقال شوبير في تصريحات عبر برنامجه الإذاعي: “تعالوا بقى الزمالك، انا تعبت بيانات والله العظيم لاثه تعبت. بيانات بس لازم اقرا البيانات يعني… من الاول يا جماعه نغلب صوت العقل والحكمه. ما تسخنش دايما مع الناس اللي هتفضل تسخنك… سوشيال ميديا ولا برنامج ولا مذيع، دايمًا تدرس الامر كويس وفي الاخر تدي القرار. التسخين دايما نتايجه شياط، والشياط بيعمل حريقه والحريقه بتدمر كل شيء.”

وتابع: “”انت بتحط الاكل كده على البوتاجاز وتمام، تقعد منتش بالريحه. الله طب يلا عايزين ناكل بقى شويه كمان يستوي، يا عم استنى شوية كمان بعين شويه، تقول ايه راحت شياط، ايه الدنيا ولعت ايه، وبدل ما انت مستني الاكل بنروح المستشفى، وعينيه مركبه كذا وتبقى مصيبه سودا. بالراحه كده اهدى، كده اوعى تسخن، اوعى تسخن، خلي الحاجه تستوي. في فرق بين السوا وبين التسخين والغليان. التسخين اللي بيصل لمرحله الغليان ده بتبقى مشكله.”

وأضاف: “ما هو من ساعة ما الامر اتحول للنيابه، انا قلت ما معناه، الموضوع في النيابه تعاونوا مع النيابه، روحوا للنيابه عندك حق اثبته قولوا، والنيابه هي مسؤوله مسؤوليه كامله عن حفظ حقوق الدوله. ده اللي بيقوله نادي الزمالك دلوقتي. ده اللي انا عمال اتهاجم عليه من جماهير نادي الزمالك بقى. قد كده عشان انا بقول يا جماعه الموضوع في النيابه، فروحوا للنيابه قدموا اوراقكم مستنداتكم، ولو لك حق هتاخده بنسبة 100%.”

واختتم: “ما هو انت مش عايز الارض ترجع للزمالك ليه يا ابني، الناس والله العظيم، لاثه الارض دي او غيرها او اي حاجه بس الزمالك يستقر يبقى 100 فل. ليه هنبقى مش عايزين؟ شيل هنا اهلاوي من زملكاوي من اسماعيلاوي من اتحاداوي، من بيشجع المصري بيشجع المحله شيل الكلام ده كله، احنا بنادي واجبنا وبنادي دورنا. فليه هنبقى ضد ده؟ احنا هنبقى مع ومع ومع. فده خلاص انتهى الامر كده والزمالك هيتعاون مع النيابه تمام التمام، والنيابه هتشوف الصح وهتعمله.”الصح وهتعمله.”