كشف الإعلامي أحمد شوبير، حقيقة وجود عرض من نادي جيرونا الإسباني لضم نجله مصطفى حارس مرمى النادي الأهلي.
وقال شوبير،خلال تصريحات تليفزيونية عبر برنامج “الناظر” على قناة “النهار”:” تفاجئنا النهاردة وأنا منهم بخبر في الصحف الإسبانية عن اهتمام جيرونا بضم مصطفى شوبير حارس مرمى الأهلي “.
وتابع:” أنا عندي معلومتين في قصه مصطفى شوبير، أول حاجه ان وكيل مصطفى إسباني وهو اللي اختاره وكان مفوض في عرض فالنسيا اللي جيه للاعب قبل كده”.
وأضاف شوبير: “لكن الأهلي رفض مناقشه العرض مع أن الراجل جيه من اسبانيا مخصوص علشان كده وقعد مع محمد يوسف في الأهلي أنا بقول معلومة أكيدة والأهلي رفض مناقشه العرض وان الموضوع ده مش للنقاش”.
ووواصل:” فجيه موضوع جيرونا ازاي؟ كان في وفد بيتابع مصطفى في مباراة الجيش الملكي ويبدو ان التقارير كانت جيدة”.
وشدد شوبير:” لكن الموضوع ده هيفرق لو مصطفى شوبير شارك مع منتخب مصر في كأس أمم أفريقيا لأن البطولة هتبدأ في 21 ديسمبر وفتره انتقالات يناير بعدها هتحدد فعشان كده مشاركة اللاعب تفرق”.
وأختتم:” لكن لحد الان موصلش عرض رسمي من جيرونا للأهلي”.
